2.4.13

இனி நாம் சந்திப்போம்


எந்த நேரத்தில் போன இடுகைத் தலைப்பை எழுதினேனோ தெரியவில்லை. 

விலகிச் சென்ற ஜனவரி 4ம் தேதிக்குப் பின்னால் எதிர்பார்த்த எதுவும் நிகழாமல் எதிர்பாராதவைகள் நிகழ்ந்தன.

ஜனவரி 20ம் தேதி வழக்கம் போல் எனக்குப் புலரவில்லை. எழுதுபவனுக்கு மிக அவசியமான முதுகின் தண்டுவடம் (L 4- 5) விலகியும், சிதைந்தும் போனதில் என்னால் படுக்கையை விட்டு எழ முடியவில்லை.

தமிழின் மேல் அதீத ஆர்வம் கொண்டு அலையும் நான் உருவத்திலும் பொருத்தமாக ஔவை போல் ஆனேன்.

அறுவைச் சிகிச்சைதான் இதற்கு ஒரே மாற்று என்று சொன்ன ஒரு ப்ரபல மருத்துவரின் அறிவுரையைத் தவிர்த்துவிட்டு, நிறைந்த வலியுடனும், நம்பிக்கைகளுடனும் சித்த மருத்துவ மனையில் அனுமதி பெற்று சிகிச்சை எடுத்துக் கொண்டு வர்மம், தொக்கணம், கஷாயங்கள், சூரணங்கள் , மருத்துவர்கள் காட்டிய அதீத பரிவு இவற்றால் அதியமானாக மறுபடி சீரானேன்.

எனக்கு நானே விதித்துக் கொண்ட கட்டுப்பாட்டினால் மார்ச் முடியும் வரை கணினி முன்னால் உட்கார அனுமதி மறுத்தேன்.கிட்டத்தட்ட 3000க்கும் மேற்பட்ட மின்னஞ்சல்கள் வாசிக்கக் காத்திருக்கின்றன. மெதுவாய் வாசிக்கலாம். 

எனக்கு சிகிச்சை அளித்த மருத்துவர்களுக்கும், உதவிய செவிலியர்களுக்கும் அவர்களுக்கு மருந்து அளித்து உதவிய திருமூலர், அகத்தியர் துவங்கி சகல சித்தர்களுக்கும் நன்றிபா.

அந்த நாள் முதல் இந்த நாள் வரை இத்தனை நாட்கள் ஓய்வை நான் ருசித்தவனில்லை. படுக்கையிலும் படுத்தவன் இல்லை. நிறைய வாசிக்க முடிந்தது. வாசிக்க வாசிக்க நான் இதுவரை எழுதியது ஒன்றுமில்லை என்ற உண்மை பட்டவர்த்தனமானது. 

எனக்கு நிறைய நண்பர்கள் பல்வேறு கட்டங்களிலும் உதவியாய் இருந்தார்கள். அவர்கள் அனைவருக்கும் என் ஈரமான நன்றிகள்.

இனி எழுதுவதன் வேகத்தையும், அவசியத்தையும் எழுத்து தீர்மானிக்கட்டும். பழைய நம் தொடர்பு மீண்டுவிட்டது என்ற ம்கிழ்ச்சியுடன் இன்று நான் உறங்குவேன்.

21 கருத்துகள்:

சக்தி சொன்னது…

மகிழ்ச்சி..கடவுளுக்கு நன்றி ....ஓராயிரம் நன்றி...தேவையான ஓய்வு கொண்டு தேறிய பிறகு
வேண்டிய எழுத்தை வடிக்கலாம்...பொறுமையாகக் காத்திருக்கிறோம்

ஜீவி சொன்னது…

உடல்நலன் நன்கு தேறி வர வாழ்த்துக்கள்.

//வாசிக்க வாசிக்க நான் இதுவரை எழுதியது ஒன்றுமில்லை என்ற உண்மை பட்டவர்த்தனமானது. //

அடிக்கடி நான் உணர்வது.

G.M Balasubramaniam சொன்னது…


மீண்டும் பதிவுலகுக்கு வருகை எனக்கு மட்டற்ற ம்கிழ்ச்சி தருகிறது.என்னவாயிருந்தாலும் உடல் நலம் பேணுங்கள்.

ஓலை சொன்னது…

Get Well soon.

நிலாமகள் சொன்னது…

கடவுளே...! வேறு தளத்தில் வேறு விதமாய் பரிணமித்து ஒளி ஏற்றுவதாய் நினைத்திருந்தோம்...

மீண்டது (உடல்நலமும்) நிம்மதி.

வெங்கட் நாகராஜ் சொன்னது…

அடடா....

தற்போது குணமடைந்ததில் மகிழ்ச்சி.

தொடரட்டும் சந்திப்புகள்.

எல்லாம் வல்ல ஈசன் உங்களுக்கு பூரண நலம் அளிக்கட்டும்.

திண்டுக்கல் தனபாலன் சொன்னது…

உடம்பை மேலும் நலமுடன் பார்த்துக் கொள்ளுங்கள்... மற்றவை அப்புறம் தான்..

Matangi Mawley சொன்னது…

Welcome back! :)

Annamalai சொன்னது…

விரைவாக நலமடைய வாழ்த்துக்கள்

கோவை2தில்லி சொன்னது…

கடவுள் அனுக்கிரஹம் தான் தங்களை மீட்டுள்ளது.

உடல்நலனை கவனித்துக் கொள்ளுங்கள்.

இராஜராஜேஸ்வரி சொன்னது…

சற்றே விலகி ...
மீண்டும் சந்தித்தது மகிழ்ச்சி..!

விரைவில் நலம் பெற பிரார்த்தனைகள்..

அப்பாதுரை சொன்னது…

terrible..terrible..terrible.

அப்பாதுரை சொன்னது…

terrible!

”ஆரண்ய நிவாஸ்”ஆர்.ராமமூர்த்தி சொன்னது…

மெதுவாக எழுதங்களேன் ...அதனாலென்ன....உடம்பை நன்றாகப் பார்த்துக் கொண்டு பிறகு எழுதலாம் ...மேலும் தங்களுக்கு

எழுத்து வேறு..சுவாசம் வேறா என்ன ?

விமலன் சொன்னது…

பணி நிறைந்த ஓய்வு.

ஹ ர ணி சொன்னது…

அன்புள்ள சுந்தர்ஜி...

எல்லாம் நன்மைக்கே.

எந்த விலகலும் மறுபடியும் வெகு இறுக்கமுடன் உறுதியுடன் சேர்வதற்குத்தான் என்பதுதான் இயற்கை விதித்த விதி. அது உடலாக இருந்தாலும் சரி உள்ளமாக இருந்தாலும் சரி. விலகி இறுகும்போது அது பல்லாயிரம் மடங்கு சக்தியுடன் இணையும். அப்படித்தான் நீங்கள்.

அவசரமில்லை. நிதானம் காத்து மெதுவே எழுதுங்கள். காத்திருக்கலாம் நல்லதை வாசிக்க எப்போதும் தவ வலிமையுடன்.

vasan சொன்னது…

"ஹு...ம்" ....ஒரு பெரிய‌ நிம்ம‌திப் பெருமூச்சு..

மிருணா சொன்னது…

மீண்டு வந்தமைக்கும்,எழுத்துக்கும் வாழ்த்துக்கள்!

geethasmbsvm6 சொன்னது…

இத்தனை நாள் வரலைங்கறதாலே இந்தப் பதிவைத் தேர்ந்தெடுத்தேன். ஆனால் வருத்தம் மேலிட்டது. இப்போப் பரவாயில்லைனு நினைக்கிறேன். மருத்துவமனை மற்றும் சிகிச்சை குறித்த விபரங்களைப் பகிர்ந்து கொண்டால் பலருக்கும் பயன்படுமே. அல்லது அடுத்துப் பகிர்ந்திருக்கிறீர்களானு பார்க்கணும்.

சினிமாவுக்கெல்லாம் எழுதறீங்க போல, பெரிய ஆள் தான். ஆனால் பாருங்க இத்தனை நாட்கள் எனக்குத் தெரியாமலே போச்சு! நம்ம நண்பர்கள் எல்லாம் இங்கே அடிக்கடி வந்து பழகினவங்களா இருக்காங்க.

geethasmbsvm6 சொன்னது…

நல்லா இருக்கு பதிவின் வடிவமைப்பு. :)))

சுந்தர்ஜி சொன்னது…

எனக்கான கோப்பையின் திரவமாய் உங்கள் அன்பு இருக்குபோது வேறென்ன வேண்டும்?

ஒவ்வொருவருக்கும் என் தனித்தனியான நன்றியும், அன்பும்.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator