31.5.10

பாழ்




தேடுகிறது காற்றின் விசை
பாழடைந்த கோயிலின் எரியாச் சுடரை.

உறைந்திருக்கும் கடவுளால்
சூடப்படாது புதைகிறது மனோரஞ்சிதத்தின் நறுமணம்.

வில்வ மரத்தின் கீழே உதிர்ந்து கிடக்கிறது
ஏதோ ஓர் அதிகாலை உன்னுதட்டில்
சிந்திய என் பதற்ற முத்தம்.

துருப்பிடித்துக் கிடக்கிறது அதிகாரநந்தியின் காதுகளில்
நிறைவேறா ரகசியங்கள்.

இருளின் பாதாளத்தில் சிறகின்றி மோதுகிறது
வௌவாலின் இலக்கு.

ஆளரவமற்ற கோவிலில்
இறைவன் ஆடுகிறான் ஆனந்தமாய்

பிரார்த்தனைகள் குறித்த
கவலைகள் ஏதுமின்றி.

11 கருத்துகள்:

பத்மா சொன்னது…

அருமை அருமை ....
எனக்கு புழக்கமில்லா கோவில்கள் ரொம்ப பிடிக்கும் ..
அதன் வௌவால் எச்ச வாசனையும் ,எண்ணெய் பிசுக்கும் ,ஒரு கவர்ச்சி தான் ,அங்கிருக்கும் விக்ரகங்களை காணும் போது ஐயோ தனியா இருக்கீங்களே இப்போ நான் வந்துருக்கேன் பார் என்று உரிமையோடு கொஞ்ச தோன்றும்..
எல்லா நினைவுகளையும் கிளர்த்தெழச் செய்த கவிதை ..சுந்தர்ஜி
பிடிச்சுருக்கு

ரிஷபன் சொன்னது…

ஆஹா! முதலில் இந்த வண்ணமயமான பக்கம்.. முகப்பு.. அதில் பிரமித்து.. பின் கவிதைக்குள் நுழைந்தால்..
துருப்பிடித்துக் கிடக்கிறதுஅதிகாரநந்தியின் காதுகளில்நிறைவேறா ரகசியங்கள்.
இந்த ஒரு வரிக்கே ஆடிப்போன மனசு..
ஆளரவமற்ற கோவிலில்இறைவன் நடந்து செல்கிறான்ஆனந்தமாய் பிரார்த்தனைகள்குறித்த கவலைகள் ஏதுமின்றி..
சர்வ நிச்சயமாய் ஒரு கவிதை தரிசனம்!

Madumitha சொன்னது…

நம் பிரார்த்தனைகள்
கடவுளின் தலை மீது
ஏற்றும் பாரமோ?

Anonymous சொன்னது…

ஆளரவமற்ற கோயில்,ப்ரார்த்தனைகள் பற்றிக் கவலையற்று ஆனந்தமாய் இறைவன்.உங்களால்-உங்களால்-மட்டுமே தான் ஜி முடியும்.அருமை ஜி.
-யாழி.

Anonymous சொன்னது…

ஆனந்தக் கடவுளின் தரிசனம் அலைபேசியில்.
-மீனாதேவி.

Matangi Mawley சொன்னது…

"அதிகாரநந்தியின் காதுகளில்
நிறைவேறா ரகசியங்கள்."... loved it!

i always have this feeling about old temples.. that it's divinity is unscathed/untouched/uncontaminated. In discovery channel, a few years back, there used to be a show- discover india... one such beautiful temple was showed in it.. the vijayanagara temple.. it would have flourished during those long and gone ages.. but now- it is more a ruin.. but even then- the divinity/beauty in it was so attractive.. i wanted to jump into the TV screen and go in there!

the bilva leaves/the unlit lamp.. poetry.. it s out of the world!

beautiful poetry..

ps: pardon me for writing my comment here in english.. i felt i could say what i have said above, this way, better!

சுந்தர்ஜி சொன்னது…

-முன்பே ஒருமுறை கேள்வியுற்றிருக்கிறேன் உங்களின் புழக்கமில்லாக் கோவில்கள் மீதான நேசம்.ரொம்ப சந்தோஷம்+நன்றி பத்மா.

-இந்தச் சிறியவன் உங்கள் வார்த்தைகளால் மகிழ்கிறான். நன்றி ரிஷபன்.

-கடவுளை கொஞ்ச நேரம் கந்தசாமிப்பிள்ளையாய்ப் பார்த்தேன்.அதான் இப்பிடி மதுமிதா. நன்றி.

-எல்லாராலேயும் முடியும்.நான் கொஞ்சம் முந்திக்கிட்டேன்.அவ்ளவுதான் யாழி.நன்றி.

நன்றி மீனாதேவி.

சுந்தர்ஜி சொன்னது…

நன்றி மாதங்கி.எனக்கும் பல தடவைகள் தோன்றும் கடந்தகாலத்துக்குள் நுழைய முடியுமானால் முதலில் ஆளரவமற்ற ஏதோ ஒரு கோயிலுக்குள்தான் போகவேண்டுமென்று.

Anonymous சொன்னது…

பாழடைந்த கோயிலை முன்வைத்து எவ்வளவு அகமும்-புறமும்?சொல்லப்பட்டதற்குள் இருக்கிறது சொல்லப்படாததின் துயரம்.ஆனால் கடைசி வரியைத் தொட்ட விநாடி -பற்ற வைத்த புஸ்வாணம் போல்-குபீரெனப் பூத்தெழுந்தது மனதில் மகிழ்ச்சி.புறா எச்சத்தின் வாசனை விடுபட்டுவிட்டதே!கடவுளை எப்போதும் இந்த ஆனந்த நிலையிலேயே விட்டுவிடத்தோன்றுகிறது. இல்லையா?
-உஷாராணி.

சுந்தர்ஜி சொன்னது…

பாழடைந்த கோயிலைப் பழுது பார்த்து புதுப்பித்து விட்டது உங்கள் கவிதை வரிகள்.பாராட்டுக்கள் அண்ணா.
-கே.அண்ணாமலை.

சுந்தர்ஜி சொன்னது…

நன்றி உஷா.உங்கள் வார்த்தைகள் சரி.

நன்றி ”அண்ணா”மலை.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator