18.1.11

பயணம்



I
எதையெதையெல்லாமோ
எடுத்துப்போகிறோம்
தேவைப்படலாமென.
எதுவுமே
தேவையற்றுப்போவதாக
முடிவுற்று
நிறைகிறது பயணம்.

II
எதுவும் பேசமுடிவதில்லை
பயணிக்கையில்.
பேசாதும் இருக்கமுடிவதில்லை
வாழமுடியாத போதும்
வாழ்ந்தபடி இருப்பது போல.

III
வாழமுடியாத போதும்
வாழ்கிறோம்.
செல்ல விரும்பாதபோதும்
செல்கிறோம்.
வாழ்க்கை நம் கையில்
என்றாலும்
வாழ்வதும் செல்வதும்
நம் கையில் இல்லை.

IV
பயணங்கள்
துறவிகளை உருவாக்குகின்றன.
அதன்பின் பயணங்களைத்
துறவிகள் உருவாக்குகின்றனர்.
உணரமுடிவதில்லை
துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்.

35 கருத்துகள்:

Nagasubramanian சொன்னது…

//பயணங்கள்
துறவிகளை உருவாக்குகின்றன.
அதன்பின்
பயணங்களைத்
துறவிகள் உருவாக்குகின்றனர்.
உணரமுடிவதில்லை
துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்.//
Excellent

வினோ சொன்னது…

மூன்றும் பல செய்திகளை சொல்கிறது....

வெங்கட் நாகராஜ் சொன்னது…

//உணரமுடிவதில்லை
துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்.//

உணராதபோதே இப்படி இருக்கிறோம். உணர்ந்து விட்டாலோ? நல்ல கவிதைகள் சுந்தர்ஜி.

நட்புடன்

வெங்கட் நாகராஜ்
http://venkatnagaraj.blogspot.com/2011/01/blog-post_17.html

svramani08 சொன்னது…

"பயணங்களையும்
நதிகளுக்கடியில்
உருளும் கற்களையும்...."
நிறைய உணர்த்திப்போகிறது

சிவகுமாரன் சொன்னது…

எனக்கென்னவோ உங்கள் பயணத்தை எங்களால் உணர முடிவதில்லை என்று சொல்வது போலத்தான் தோன்றுகிறது.
நிறைய விசயங்களை உணர்த்துகிறீர்கள்.
இந்த வரிகளின் மூலம்.
அருமை அண்ணா.

ரிஷபன் சொன்னது…

நான்காவது கவிதை என்னைத் தொட்டு உலுக்கியது.

Gowripriya சொன்னது…

"உணரமுடிவதில்லை
துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்"


class!!!!!!!

மிருணா சொன்னது…

இந்த கவிதை ஒரு நல்ல அனுபவம். உணர்ந்து எழுதப்பட்ட நேர்த்தியான வரிகள். அருமை.

ஹ ர ணி சொன்னது…

பயணம்தான் உயிர்த்திருக்க வைக்கிறது அது பயணமாக அமையும்போது சுந்தர்ஜி.

உதிரிலை சொன்னது…

ஒரு பாம்பின் சீறலில் இருக்கிறது பயணம். துளி தேனில் இருக்கிறது பயணம். ஒரு வலியில் இருக்கிறது பயணம். நதிகளுக்கடியில் உருளும் கற்கள் உலகத்தின் பயணத்தின் வேரைப் பயணிக்க வைக்கின்றன யுகங்கள்தோறும்.

வை.கோபாலகிருஷ்ணன் சொன்னது…

ஆம். எல்லாப் பயணங்களும் நம் விருப்பப்படி இனிமையாய் அமைந்து விடுவதில்லை.

அடிக்கடி பயணம் மேற்கொண்டு விரக்தியில் எழுதிய கவிதையாய் இருக்குமோ என்று தோன்றுகிறது.

உணரமுடியவில்லை என் சிற்றறிவினால்

துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்

போலவே உங்கள் விரக்தியான பயணக் கவிதையையும்.

ஹேமா சொன்னது…

வரிகளோடு இன்னும் இங்குதான் நான் !

காமராஜ் சொன்னது…

//பயணங்கள்
துறவிகளை உருவாக்குகின்றன.
அதன்பின்
பயணங்களைத்
துறவிகள் உருவாக்குகின்றனர்.//

இப்படியான தெறிப்புகள் எல்லாக்கவிதையிலும் கிடைக்கப்பெற்றது வாசிக்கிற எங்களின் சிலாக்கியம்.

திருநாவுக்கரசு பழனிசாமி சொன்னது…

//உணரமுடிவதில்லை துறவிகளுக்குள் நீளும் பயணங்களையும்
நதிகளுக்கடியில் உருளும் கற்களையும்//

அருமை

vasan சொன்னது…

துற‌விகளின் ப‌யண‌ம் மேல் நோக்கி
ந‌தியின் ப‌ய‌ணம் கீழ் நோக்கி,
சுந்த‌ர்ஜீன் பார்வை ச‌மன் நோக்கி.

G.M Balasubramaniam சொன்னது…

நிறையவே சிந்திக்கத்துவங்கி விட்டீர்கள் சுந்தர்ஜி. YOU DO A LOT OF INTROSPECTION. இலக்குகள் நோக்கி பயணித்தாலும் எட்டவே முடியாத இலக்குகளும் விலகி விலகி புர்ந்துகொள்ள முடியாத பொருளாகி, அறிந்துவிட்டோம் என்ற எண்ணம் வரும் சமயம் பயணமும் முடிந்து விடுகிறது.

Vel Kannan சொன்னது…

எல்லாம் ஒரே பயணத்தில் சாத்தியமா என்று தெரியவில்லை
ஆனாலும் ஒரே புரிதலை தருகிறது ஜி உங்களின் கவிதை

சுந்தர்ஜி சொன்னது…

தொடர்ந்த வாசிப்புக்கும் பாராட்டுக்கும் நன்றி வெங்கட்.

சுந்தர்ஜி சொன்னது…

நன்றி நாக்ஸ்.

என் மனதிலும் உங்கள் எழுத்துக்கள் உங்களைப் பற்றிய பிம்பத்தை உருளச் செய்தபடி இருக்கின்றன.

சுந்தர்ஜி சொன்னது…

ரசனைக்கு நன்றி ரமணி.தொடர்ந்து நீங்கள் வாசிப்பது என் பாக்கியம்.

சுந்தர்ஜி சொன்னது…

நாலை மூன்றாக்கிட்டீங்களே வினோ!எதோ ஒண்ணை சாய்ஸ்ல விட்டுட்டீங்ல போல.

நன்றி வினோ வாசிப்புக்கு.

சுந்தர்ஜி சொன்னது…

நன்றி ரிஷபன்.கமெண்ட்டில் என்னை உலுக்கிட்டீங்க.

சுந்தர்ஜி சொன்னது…

நன்றி சிவா. அப்படியெல்லாம் இல்லை. சில சாலைகளில் என் கண்ணாடியுடன் நான் பயணிக்கிறேன்.சில இடங்களில் உங்களின் கண்ணாடி.அவ்வளவுதான்.

சுந்தர்ஜி சொன்னது…

அடுத்த தளத்துக்குப் பயணங்கள் தான் நம்மை இட்டுச் செல்கின்றன ஹரணி.

தத்துவார்த்தமான பயணங்கள்.

சுந்தர்ஜி சொன்னது…

என் கவிதை முடிந்த புள்ளியிலிருந்து துவங்குகிறது என்னதை விட மிக அழகான உங்களது கவிதை உதிரிலை.

ரசித்தேன்.

சுந்தர்ஜி சொன்னது…

பௌதீக ரீதியான பயணத்தை நான் குறிப்பிடவில்லை கோபு சார்.

தத்வார்த்தமான உள்நோக்கிய பயணத்தைத்தான் தொட்டுச் செல்கிறது.

இன்னும் எளிமையாய் எழுத முயல்வேன்.

ரசனை மிக்க உங்களை இந்தக் கவிதை தொடாததற்கு வருந்துகிறேன் கோபு சார்.

சுந்தர்ஜி சொன்னது…

என்றும் என் வரிகளோடிருக்க விழைகிறது மனது...

நன்றி ஹேமா.

சுந்தர்ஜி சொன்னது…

உங்கள் சிலாகிப்பு என்னை கர்வப் படுத்துகிறது காமராஜ்.

வசிஷ்டர் வாயால் ப்ரும்மரிஷி.

சுந்தர்ஜி சொன்னது…

உங்களின் வருகையையும் எதிபார்த்திருந்தேன் திருநா.

உங்கள் ரசனையை நான் அறிவேன்.

நன்றி.

சுந்தர்ஜி சொன்னது…

வாசனின் பயணம் எல்லாத் திசைகளிலும்.

நன்றி வாசன் அன்புக்கு.

சுந்தர்ஜி சொன்னது…

சிந்தனைகளிலிருந்தும் விடுதலையைத் தேடுகிறேன் பாலு சார்.

இந்த உள்நோக்கிய பார்வை விலக அல்ல.மேலும் கூரேற்றிக் கொள்ள.

நன்றி.

சுந்தர்ஜி சொன்னது…

இந்தக் கவிதையை எழுதும் போது உங்களுக்குப் புரையேறி இருக்கலாம்.இந்த ரகம் உங்களுக்குப் பிடிக்குமென்று உங்கள் ரசனை நினைவுக்கு வந்தது.

ரசனைக்கு நன்றி சைக்கிள்.

சுந்தர்ஜி சொன்னது…

வெவ்வேறான பயணங்களிலும் திசைகளிலும் கற்கத் துவங்குகிறோம் வேல்கண்ணன்.

எல்லாவற்றையும் துறக்கத் துவங்கும்போது எல்லாம் ஒன்றெனப் புரிந்துகொள்கிறோம்.

நன்றி வேல் கண்ணன்.

ராகவன் சொன்னது…

அன்பு சுந்தர்ஜி,

ரொம்ப அருமையான கவிதைகள் இவை. பயணங்கள் தரும் பரிசுப்பொட்டலம் அற்புதமானது...

ரொம்ப பிடித்தது.

அன்புடன்
ராகவன்

சுந்தர்ஜி சொன்னது…

நன்றி ராகவன்.

பயணங்களுக்கிடையேயும் தொடரும் உரையாடல்களுக்கும் வாசிப்பிற்கும்.

அடிக்கடி மழை வருவதில்லை.ராகவனும்.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator