23.10.13

அழகாய்த் தெரிவது எப்படி?


நொடிக்கொரு தரம்
உதிர இருக்கும் சிகையை
நொடிக்கொரு தரம் கோதாதீர்கள்.

கொண்டாட்டங்களின்
இரைச்சலுக்குப் பின்னால்
யாரின் பார்வைக்கும் எட்டாத
வறியவனின் கண்ணீரைக் காணாத

கண்களின் கீழே தொங்கத்
தொடங்கியிருக்கும்
பைகள் குறித்தும்-
மேலே சரியாய்த் தீட்டப்படாத
புருவங்கள் குறித்தும் வருந்தாதீர்கள்.

அனாதரவாய்க் கதறும்
அபலைக் குரல்களைக்
கேட்டும் கேளாது செல்லும்
மெழுகடைத்த காதுகளின்
செவிட்டுத் துளைகளைத்
தயவு செய்து சுத்தம் செய்யாதீர்கள்.

பிறருக்காய் வருந்தவும்
புன்னகைக்கவும் பழகாத
முகத்தின் சலனமற்ற தோலில்
சிகப்பழகுப் பசை
ஊடுருவி இருக்கிறதா
என்று பார்க்காதீர்கள்.

கூசாமல் பொய் சொல்லி,
போலியாய்ச் சிரிக்கும்
நாற்றமெடுக்கும் வாயின்
உதட்டுச் சாயம் பளபளக்கிறதா
என்று சோதிக்காதீர்கள்.

தீராத தாகத்துடன்
புகழ் ருசிக்கும் மனதையும்,
முகத்தின் மேல்
இன்னொரு முகமாய்
அணிந்திருக்கும் வேடத்தையும்

நீங்கள் பார்த்து ரசிக்கக்
கண்ணாடி எதுவுமில்லை
என்பதில் எனக்கும்
வருத்தந்தான்.

இறுதியாய் ஒரு ரகசியம்.

ஒரு கண்ணாடியை
எடுத்துக் கொள்ளுங்கள்.

நாளை எரிந்தடங்க இருக்கும்
சாம்பலின் சுவடுகளை
ஒருவேளை பார்க்க யத்தனித்தால்
அதில் முகம் பார்க்காதீர்கள்.

அப்போது நீங்கள்
மிக அழகாய்த் தெரிவீர்கள்.

10 கருத்துகள்:

திண்டுக்கல் தனபாலன் சொன்னது…

அருமை... உணர வேண்டிய வரிகள்... வாழ்த்துக்கள்...

G.M Balasubramaniam சொன்னது…

எத்தனை ஆதங்கம் இருந்தால் இப்படி ஒரு கவிதை வரும். மிகவும் அழகாகச் சொல்லி இருக்கிறீர்கள். ரசித்துப் படித்தேன் சுந்தர்ஜி

sury Siva சொன்னது…

யஸ்ய நைஸர்கிகி ஷோபா தன்ன சம்ஸ்காரம் அர்ஹதி.
கஹ கலாம் ஷஷினோர் மாஷ்டி கௌச்துபஹ கேன ரஜ்யதே

என்று ஒரு சுபாஷிதானி இருக்கிறது.

நீங்கள் தொட்ட உதட்டுச்சாயம் அந்த வரிகளை நினைவு படுத்துகிறது.
படுத்தவும் செய்கிறது.நெஞ்சை
இறுக்கவும் செய்கிறது
ஆம். உங்கள் கவிதை.

சுப்பு தாத்தா.
ஒரு சேஞ்ச்சுக்கு இதை படியுங்கள். கேளுங்கள்.
அசல் உணர்வுகளுக்கு.
www.subbuthatha72.blogspot.com
www.subbuthatha.blogspot.com

ADHI VENKAT சொன்னது…

அர்த்தம் பொதிந்த, அனைவரும் உணர வேண்டிய வரிகள்.

கரந்தை ஜெயக்குமார் சொன்னது…

உணர வேண்டிய வரிகள் ஐயா

bandhu சொன்னது…

அருமையான கவிதை.. மிக்க நன்றி..

சே. குமார் சொன்னது…

நாளை எரிந்தடங்க இருக்கும்
சாம்பலின் சுவடுகளை
ஒருவேளை பார்க்க யத்தனித்தால்
அதில் முகம் பார்க்காதீர்கள்.

------------

உணர வேண்டிய அருமையான வரிகள் அடங்கிய அழகிய கவிதை...
வாழ்த்துக்கள்...

ப. தியாகு சொன்னது…

தீராத தாகத்துடன்
புகழ் ருசிக்கும் மனதையும்,
முகத்தின் மேல்
இன்னொரு முகமாய்
அணிந்திருக்கும் வேடத்தையும்

நீங்கள் பார்த்து ரசிக்கக்
கண்ணாடி எதுவுமில்லை // பச்சென ஒட்டிக்கொண்டன வரிகள். நிறைய எழுதுகிறீர்கள் சுந்தர் ஜி சார், ஆனால் கவிதைகள் குறைத்துக்கொண்டீர்கள் என்பது வருத்தமளிக்கிறது. ப்ளீஸ்.. கவிதைகளும் அதிக தாருங்கள் மகிழ்வேன்.

அப்பாதுரை சொன்னது…

நொந்து போயிருப்பவனை நையப்புடைக்கும் வரிகளா. இல்லை நயப்படுத்தும் வரிகளா?

ஜிஎம்பி சொல்லியிருப்பது போல் இந்த வரிகள் வெளிப்படுத்தும் வலியை விட உள்வாங்கியிருக்கும் வலி எத்தகையது என்று சுலபமாகக் கணிக்க முடியவில்லை.

மிகவும் ரசித்துப் படித்தேன் ஜி.

ஹ ர ணி சொன்னது…

அன்புள்ள சுந்தர்ஜி..


அமர்க்களம். அஅமர்க்களம். அமர்க்களம். அமர்க்களம்.
அமர்க்களம். அமர்க்களம். அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அஅமர்க்களம். அமர்க்களம். அமர்க்களம்.
அமர்க்களம். அமர்க்களம். அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அமர்க்களம்.

அமர்க்களம். அஅமர்க்களம். அமர்க்களம். அமர்க்களம்.
அமர்க்களம். அமர்க்களம். அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அஅமர்க்களம். அமர்க்களம். அமர்க்களம்.
அமர்க்களம். அமர்க்களம். அமர்க்களம். அமர்க்களம்.
அமர்க்களம். அமர்க்களம்.
அமர்க்களம். அமர்க்களம்.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator