6.12.10

ஜுடுக்கு ஒரு கவிதை


”எப்பவும் ஒரே மாதிரி எளுதிகிட்டு. கொஞ்சம் வேறமாதிரி ஏதாவது எளுதுடா மக்கா” என்றான் மரைன் இஞ்சினியராய் உலகத்துக் கடலெல்லாம் (தமிழே) பேசாமல் வறுபடும் என் கன்யாகுமரி நண்பன் ஜூடு இளங்கோ (jude ilango). அவனுக்காக இது.

வழக்கமாய் ரிக்‌ஷாவில் போய்த் திரும்பும் பிஸ்தா ஒருவர்(படத்தில் இருப்பவர் பிஸ்தாதான்.நம்பவும்.) ஆட்டோவில் போய் வீடு திரும்பி நொந்துபோய் தலைவலியோடும் தன் மனைவியோடும் புலம்பத் தொடங்கும் வேளை.

ஆட்டோவில் போனாலே பொல்லாத தலைவலிதான்
பாட்டோடு பேச்சும் லொடலொடக்க - கேட்டோரம்
போட்டானே மணி நேரம் போகவளி தெரியாது
கேட்டேனே பாட்டெல்லாம் குத்து.

சொன்னபடி கேட்டிருந்தா சொகமா போயிருப்ப
தின்னசோத்துக்கு தண்டனையா சூடான - பன்ன
கவ்விக்கிட்டு முளிக்கிற புள்ளயாட்டம்
தவ்விப் பொலம்பாமத் தூங்கு.

நெனச்சாலே வந்துருமா தூக்கம் ஏபுள்ள
கனச்சுக்கிட்டே இருக்க களுத கணக்கா- நனச்சு
முடி துணியெல்லாம் மள இப்போ விட்டுருச்சு
அடிச்சுப் போடுவேன் ஆமா.

அடிப்ப மிதிப்ப வேறென்ன பொளப்பொனக்கு
குடிப்ப கண்ணுமண்ணு தெரியாம- கடிப்ப
கருவாடோ மீனோ என்ன கருமாந்தரமோ
ஒருபாவம் அறியேன் நான்.

சும்மா ஒருஜாலிக்கு ஒன்ன வம்பிளுத்தா
அம்மா ஐயோன்னு பொலம்பாத பேசாம- கம்மாக்
கர மீங்கொளம்பும் சுடுசோறும் இட்டாந்தா
பரக்காம திம்போம் இப்போ.

(தாங்கமுடியாது போனால் ஜூடு இளங்கோவை சபித்துவிட்டு அடுத்த பதிவுக்குக் காத்திருக்கவும். எலே மக்கா ஜூடு எங்கலே ஓடுத. கொஞ்சம் நில்லுடே. வாரேன். நில்லு நில்லு.)

20 கருத்துகள்:

Harani சொன்னது…

சுந்தர்ஜி...

சுவையான கவிதை. வெண்பா ருசி. சொகம்.

santhanakrishnan சொன்னது…

இது கொஞ்சம் புதுசாயிருக்குலே.

பத்மா சொன்னது…

இப்படியும் எழுதத் தெரிந்ததால் தான் அப்படியும் எழுதி கலக்குகிறீர்கள் .
அருமையா இருக்கு ...மிகவும் பொறாமையா இருக்கு

Harani சொன்னது…

ரொம்ப நாளாச்சு சுந்தர்ஜி.. வெண்பாவும்..கட்டளைக் கலித்துறையும் விருத்தமும் எழுதி.. தட்டிவிட்டுட்டீங்க.. அதனாலதான் மறுபடியும்..

சொகமா இருக்குப்பா சுந்தர்ஜி ஒங்கவிதை
ஏக்கமா பொங்கி வருதப்பா = காதல்
ஒம்மேல வழியுது கண்ணோரம் கசியுது
பொழுதெல்லாம் கேட்பேன் உன் பாட்டு

ரிஷபன் சொன்னது…

சான்ஸே இல்லை.. கை கொடுங்க..

”ஆரண்ய நிவாஸ்”ஆர்.ராமமூர்த்தி சொன்னது…

அன்பாலே நாடி நானிங்கு வந்திடுங்கால்,
உன் பா கேட்டு உன்மத்தம் ஆனதென்ன.
முன்போலில்லாமல் வித்யாசமாய் எழுதி,
வெண்பாவால் அடித்தாய்,அடி!

சிவகுமாரன் சொன்னது…

அட் நம்ம ஆளுதான் அண்ணே..
வெண்பா வடிவம் நல்லாருக்கு.
அசை சீரெல்லாம் யாரு கேட்டாக ?

ஹேமா சொன்னது…

வித்தியாசமா இருக்கு சுந்தர்ஜி !

நிலாமகள் சொன்னது…

//தலைவலியோடும் தன் மனைவியோடும் //
ஒருபொருட் பன்மொழி...?!

பிஸ்தாவின் வெண்பாக்கள் வெகு ஜோர் !

அடை மழையில் துளிர்த்த கொண்டாட்டமோ ....

சுந்தர்ஜி சொன்னது…

வெண்பா என்றாலே எனக்கு ஏனோ ஆவி பறக்கும் வெண்பொங்கல் ருசி நினைவில் அசையும்.

வரிசையில் முதல் வரவு உங்களது.ம்கிழ்ச்சி தருவது.

நன்றி என் நண்பனே ஹரணி.

சுந்தர்ஜி சொன்னது…

ரொம்ப தேங்க்ஸ்டே மது புதுசாட்டு இருக்குறத ரசிச்சதுக்கு.

சுந்தர்ஜி சொன்னது…

இதத்தான் எதிர்பார்த்தேன் பத்மா.

எடுத்துவிடுங்க ராக்கெட்ட.

சுந்தர்ஜி சொன்னது…

இளையராஜாவோட இசையாட்டம் இருக்குது ஹரணி ஒம் பாராட்டு.என்ன சொல்லனு தெரியாத வச்சுட்டியேப்பா.

சுந்தர்ஜி சொன்னது…

இந்தாங்க ரிஷபன் கை. இந்த சாக்குல ஒங்கள நான் தொட்டுட்டேன்.இனி எழுத்து மணக்கும்.

சுந்தர்ஜி சொன்னது…

பதிலடியும் வெண்பாவாலேயே அடிச்சுட்டீங்களே சாமி.ரசனைக்கு நன்றி ஆர்.ஆர்.ஆர். ஸார்.

சுந்தர்ஜி சொன்னது…

தேமாங்காய் கூவிளங்காயுடன் நாள் மலர் காசு பிறப்புப் பார்த்து எழுத ஆசைதான் சிவா.

மேட்ச் ஆடி ரொம்ப நாளாச்சு. வார்ம் அப் பண்ணாம சுளுக்கிக்குமோன்னு ஒரு பயம்.

பொருட்குற்றமற்று வண்டிய ஓடவிட்டுட்டேன்.

சுந்தர்ஜி சொன்னது…

ஒங்க கவிதையைத்தான் நான் அப்பிடி நெனைப்பேன் ஹேமா.

சுந்தர்ஜி சொன்னது…

ஒருபொருட் பன்மொழியை சரியாக் கண்டுபிடுச்சிட்டீங்களே நிலாமகள்.அதேதான்.மழைதான் மாயம் செய்தது.

அப்பாதுரை சொன்னது…

அருமை.

(உங்க பின்னூட்டத்தின் பின்னணி இப்பத்தான் புரியுது)

சுந்தர்ஜி சொன்னது…

நன்றி அப்பாதுரை.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator