27.2.11

கூடு



I
செத்து விடாது வாழ்பவனுக்கும்-
சாகும்வரை வாழ்பவனுக்கும்-
செத்த பின்னும் வாழ்பவனுக்கும்-
நடுவில் நுரைக்கிறது
மரணமில்லாப் பெருவாழ்வு.

II

கூடற்ற பறவைகளின்
எச்சத்தில் எப்போதும்
காத்திருக்கிறது ஒரு வனம்.
வளர்ந்த பின்
வெட்டிவீழ்த்த
எப்போதும் ஓங்கியிருக்கிறது
ஒரு கோடரி.

25 கருத்துகள்:

பத்மா சொன்னது…

சுந்தர்ஜி ஸ்டைல் கவிதைகள் ...
எச்சத்தில் காத்திருக்கும் வனம் என்ன ஒரு எதிர்பார்ப்பைத் தருகிறது !
கோடரியை நினைக்காமல் நான் வனத்தோடு ஒன்றி விட்டேன் ...

வை.கோபாலகிருஷ்ணன் சொன்னது…

This post has been removed by the author.

வை.கோபாலகிருஷ்ணன் சொன்னது…

//"கூடு” விட்டு ஆவிதான் போன பின் யாரே அனுபவிப்பார் பாவிகாள் அந்தப் பணத்தை//

என்று சிறுவயதில் படித்த ஞாபகம் வந்தது.

”செத்த பின்னும் வாழ்பவன்”
(புகழ்) அருமையான வரி தான்.

மரமிருக்கும் வரை கோடாரியும், கோடாரி இருக்கும் வரை மரமும் ஓயப்போவதில்லை.

பதிவுக்குப் பாராட்டுகள்.

வினோ சொன்னது…

ரெண்டவதில், முதல் பாதி தேவை, கடைச பாதி உண்மை... :) நன்றி

Gowripriya சொன்னது…

இரண்டாவது கவிதையில் ஒளிந்திருக்கும் வனம் மிக அருமை.

இராஜராஜேஸ்வரி சொன்னது…

மரணமில்லாப் பெருவாழ்வு
நடுவில் நுரைக்கும் எச்சம்!1

ஹ ர ணி சொன்னது…

சுந்தர்ஜி...

வேகம் காட்டுகிறீர்கள் என நினைக்கிறேன். கவிதைக்கான உச்சத்திற்கு வந்துவிட்டீர்கள்..மனது தவிக்கிறது. உயர்ந்ததன் ஆன்மாவை நெருங்கிக்கொண்டிருக்கின்றன உங்கள் கவிதைகள். ஆனாலும் அவற்றின் வெளிச்சுவர் வண்ணங்களிலேயே நின்றுவிடுகிறீர்களோ எனப் பதைக்கிறேன். கொஞ்சம் நிதானியுங்களேன்...இன்னும் அந்த அதிர்வலைகளுக்காகக் காத்திருக்கிறேன். எனக்கு உணரமுடிகிறது. ஆனால் சொற்களில் உங்களுக்கு உணர்த்தமுடியாமல் நிற்கிறேன். ஒவ்வொரு கவிதைக்குள்ளும் அதை நான் தேடி ஏமாற்றமுற்று நிற்கிறேன். இது என்னுடைய கருத்து. இன்னும் நிதானம் காத்து பதிவிடுங்களேன். நன்றி.

ரிஷபன் சொன்னது…

வார்த்தைகளின் வனத்தில் காத்திருக்கிறது எப்போதும் உங்களுக்கான கவிதை விதைகள்..

சுந்தர்ஜி சொன்னது…

ஹரணி!ஆதங்கத்துக்கும் அன்புக்கும் நடுவில் உங்கள் வார்த்தைகள்.

எனக்கும் புரிகிறது.சில நேரங்களில் என் கருத்துக்களை வடிவம் தீர்மானித்துவிடுகிறது.

நானும் அதன் போக்கில் போய்விடுகிறேன்.சரி செய்து கொள்கிறேன் ஹரணி.

எழுதுவதில் கொஞ்சம் வேகப்படத்தான் செய்கிறேன்.நாளைக்கு இருக்கமாட்டேன் என்பது போல.

இதைச் சொல்ல வேற யாரிருக்கா?

ஹேமா சொன்னது…

செத்துவிடாது வாழ்பவன்....
சாகும்வரை வாழ்பவன் இரண்டு வகை வாழ்க்கையைப் பிரிச்சு அருமையாச் சொல்லியிருக்கீங்க சுந்தர்ஜி !

G.M Balasubramaniam சொன்னது…

நான் முன்பே ஒரு முறை கூறியதுபோல் YOU HAVE TO LEARN TO UNLEARN SOMETHING WHICH YOU FEEL YOU HAVE ALREADY LEARNT, TO LEARN SOMETHING NEW. வாழ்க்கையை நாம் அதன் போக்கில்தான் வாழ்ந்துதெரியாதவைகளுக்கும் விடை காண முயல வேண்டும். அவசரமேதுமில்லை,சுந்த்ர்ஜி.

ஹ ர ணி சொன்னது…

நான் உணர்ந்ததைச் சொல்கிறேன். யாரும் நெருங்கமுடியாத தளத்தில் உங்கள் கவிதைகள் இயங்கிக்கொண்டிருக்கின்றன. நாளைக்கு இருக்கமாட்டேன் என்கிற வேகத்தைக் கொண்டவையல்ல உங்கள் கவிதைகள். அவை ஜீவன். இன்னும் உயர்ந்த ஒன்றை உங்கள் கவிதைகளின் வழி நான் இழந்துகொண்டிருக்கிறேன் அனுபவிக்க என்பதுதான் என்னுடைய ஆதங்கம். அன்பு வேண்டுகோள். கல்யாண்ஜி கவிதைகளில் அந்த சுகத்தை அனுபவிக்கிறேன். தஞ்சாவூர் கவிராயர் கவிதைகள் எளிமை எனும் நிலையில் உயிர்த்துடிப்புள்ளவை. உங்கள் கவிதைகள் எளிமையும் ஆன்மாவின் வேரையும் இயைபுபடுத்துகின்றன. அவை கவிதை எப்படிப் பயணிக்கவேண்டும் வாழ்வில் என்பதை வெகு அருமையாக அடையாளப்படுத்துகின்றன. அவை ஜீவன். பாரதி சொன்னதுபோல அந்த ஜீவனின் மெல்லிய அதிர்வுகளை உள்வாங்க ஆசைப்படுகிறேன். அவ்வளவுதான். நிச்சயம் உங்களிடமிருந்து வரும். வந்தே தீரும்.

சிவகுமாரன் சொன்னது…

மரணமிலாப் பெருவாழ்வு
சுந்தர்ஜியின் ]
கவிதைகளுக்கு

கோடரிக்கான
கைப்பிடி தர
வளரும் வனம்.

Nagasubramanian சொன்னது…

கோடரி, எச்சம், வனம் - அருமையான கற்பனை.

சுந்தர்ஜி சொன்னது…

ஆழ்ந்த பார்வைக்கு நன்றி வினோ.

சுந்தர்ஜி சொன்னது…

அருமையான பாடலை நினைவுபடுத்திய கோபு சாருக்கு ஒரு ஓ.

சுந்தர்ஜி சொன்னது…

என்ன பத்மா ரொம்ப நாளாச்சு? நலந்தானா?

இந்த ரசனைதான் உங்க ஸ்பெஷல்.

சுந்தர்ஜி சொன்னது…

வனத்தை ஒளித்துத்தான் வைக்கவேண்டியிருக்கிறது கௌரிப்ரியா இந்தக் கோடரிகளிடமிருந்து தப்பிக்க.

சுந்தர்ஜி சொன்னது…

பக்கத்தில் நீங்கள் இருக்கிறீர்கள் ரிஷபன்.

சுந்தர்ஜி சொன்னது…

அருமை ராஜராஜேஸ்வரி.

சுந்தர்ஜி சொன்னது…

நானும் மிகவும் ரசித்த வரிகள் இவை ஹேமா.

ஒத்த ரசனைக்கு நன்றி தோழி.

சுந்தர்ஜி சொன்னது…

தினமும் கற்கிறேன் பாலு சார் கற்றவைகளைத் துறக்கவும் அல்லாதவைகளைக் கற்கும் கற்றலைக் கற்கவும்.

எழுதித் தான் ஆக வேண்டும்.இருபது ஆண்டுகள் எழுதாமல் இருந்துவிட்டேன்.

ஈடுகட்ட வேண்டும்.

சுந்தர்ஜி சொன்னது…

என் கவிதைகள் குறித்த உங்கள் உயர்வான பார்வை என்னைச் சிரம் தாழ்த்துகின்றன ஹரணி.

வடிவத்தில் சோதனை செய்து பார்த்தேன்.பயப்படாதீர்கள்.எது என் பலமோ அதை விட்டுச் செல்ல மாட்டேன்.

சுந்தர்ஜி சொன்னது…

//கோடரிக்கான
கைப்பிடி தர
வளரும் வனம்.//

க்ளாஸ் சிவா.

சுந்தர்ஜி சொன்னது…

தொடர்வாசிப்பு என்னை மிகவும் ஊக்குவிக்கிறது நாக்ஸ்.

நன்றி.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator