6.3.11

ப்யார் கியா தோ டர்னா க்யா? (காதல் கொண்டாலே பயமென்ன?


இன்று காலை எப்போதும் போல் விடியவில்லை.

பா.ரா.வின் சித்தப்பா திரு.அண்ணாத்துரை சிவசாமியின் http://azhutham.blogspot.com/2011/03/mughal-e-azam-pyar-kiya-to-darna-kya.html தளத்தில் மேயப் போனவன் வசமிழந்து போனேன்.

அங்கே என் மரியாதைக்குரிய ராஜு அண்ணாவின் அற்புதமான கவிதையின் சாரமாக மொகல்-ஏ-ஆஸமின் ப்யார் கியா தோ டர்னா க்யா என்ற பாடலைக் கண்டேன்.

கண்ணீர் கசியும் என் நினைவுகளோடு அண்ணாத்துரை சித்தப்பாவின் ரசனைக்கு சலாம் சொல்வதா? அல்லது ராஜு அண்ணாவின் விமர்சன மழைக்கும் மொழிபெயர்ப்பின் வீர்யத்துக்குப் பணிவதா? என்று புரியாது திரிகிறேன்.

என் போன்றோரின் தலைமுறையை அர்த்தப்படுத்த, அப்போது 80களின் இறுதியில் சென்னையின் திருவல்லிக்கேணி ஸ்டார் அரங்கத்தில் வந்திருந்தது மொகல் ஏ ஆஸம். இரண்டு இடைவேளைகளுடன் மிக நீண்ட ம்யூஸிகல்-க்ளாஸிகல் மற்றும் ஹிஸ்டாரிகல் என்று இதைச் சொல்லலாம்.

மருகி மருகி ஒருவாரம் விடாது ராத்திரிக் காட்சி பார்த்து மயங்கிக் கிடந்தோம். திலிப் குமாரின் அண்டர் ப்ளேயா, ப்ருத்விராஜ் கபூரின் கம்பீரமா, சாகடித்த மதுபாலாவின் மயக்கும் அழகா, நௌஷாத்தின் காலங்களால் அழிக்கமுடியாத இசையா-சொல்லத் தெரியவில்லை எனக்கு. அல்லது சொல்லித் தீர்வதில்லை.

அந்தப் படம் த்யேட்டரை விட்டுப் போன பின்பு நெடுநாட்க் காதலியை அவள் முறைமாமனிடம் தாரை வார்த்த ஒரு பிரிவின் வலி. திருவல்லிக்கேணி நெடுஞ்சாலையே வெறுமையாய்த் தெரிந்தது வெகு நாட்களுக்கு.

நடிக்கத் தெரியும், பாடத் தெரியும், எழுதத் தெரியும் என்று சொல்பவர்களும், சொல்லாதவர்களும் அவசியம் பார்த்துத் தீர வேண்டிய ஒரு சுகமான தொல்லை இது.

மொகல்-ஏ-ஆஸம் பற்றி விரிவாய் இன்னொரு பதிவில் எழுதுவேன்.

மொகல்-ஏ-ஆஸம் தமிழில் அக்பர் என்ற பெயரில் மொழிமாற்றம் செய்யப்பட்டு எல்லாப் பாடல்களும் தமிழில் கம்பதாசனால் அற்புதமாகப் பொருத்தப் பட்டிருந்தன.

காட்சியின் ப்ரும்மாண்ட அமைப்பும், சுழன்று சுழன்று விரியும் நடன அமைப்பும், ஒரு பேரரசனின் முன் பாடும் பாடலில் வெளிப்படும் காதலின் வீரம் என்று அணுஅணுவாக ருசித்துத் தீராத பாடலும், காட்சியும்.  

அக்பர் படத்தின் தமிழ் வடிவில் எழுதப்பட்ட பாடலை இங்கே கொடுத்திருக்கிறேன். இசைக்குப் பொருத்தமாய் என்ன ஒரு வார்த்தை வடிவம்? நௌஷாத்தின் இசையில் இந்த அமர கானத்தை ரஸியுங்கள். லதாவின் குரலில் மயக்கும் இப்பாடல், தமிழில் சுசீலாவின் குரலில் அபாரமாய் இருந்தது. 

இனி இங்கே வார்த்தைகள் பொருத்தமானவையல்ல.

விருத்தம்

ஒரு மாது பிறவேல் ஜெகம் மீதிலே
ஒரு முறையேதான் காதல் கொள்வாளே
இந்தக் காதலின் நோயில் வாழ்வாளே
இந்தக் காதலின் நோயில் மரிப்பாளே.

(பல்லவி)

காதல் கொண்டாலே பயமென்ன?
உண்மைக் காதல் கொண்டாலே பயமென்ன?

(அனுபல்லவி)
காதல் கொண்டேன் யாதும் பாவம் செய்தில்லை

(கோரஸ்)

காதல் கொண்டேன் யாதும் பாவம் செய்தில்லை
விதி எதிரானாலும் பயமென்ன?
உண்மைக்காதல் கொண்டாலே பயமென்ன?

(சரணம்)

இன்றென் நெஞ்சத்தின் கதையைச் சொல்வேனே
என் ஆவி நீதி வேண்டில் இரேனே.

(கோரஸ்)

இன்றென் நெஞ்சத்தின் கதையைச் சொல்வேனே
என் ஆவி நீதி வேண்டில் இரேனே.
அன்பர் கண் முன்னே காதல் காதல்
அன்பர் கண் முன்னே காதல் காதல்
அஞ்சி அஞ்சியே சாதல் என்ன?

உண்மைக் காதல் கொண்டாலே பயமென்ன?
காதல் கொண்டாலே பயமென்ன?
உண்மைக் காதல் கொண்டாலே பயமென்ன?

நெஞ்சில் அவர்தன் நினைவே தான் பாடும்
கண்ணில் அவர்தன் கனவேதான் ஆடும்.

(கோரஸ்)

நெஞ்சில் அவர்தன் நினைவே தான் பாடும்
கண்ணில் அவர்தன் கனவேதான் ஆடும்.
காதலே வாழ்வே காதலே சாவே
காதலே வாழ்வே காதலே சாவே
காதல் இன்றேல் கதி வேறென்ன?

உண்மைக் காதல் கொண்டாலே பயமென்ன?
காதல் கொண்டாலே பயமென்ன?
உண்மைக் காதல் கொண்டாலே பயமென்ன?

அணையாது எந்தன் காதலின் தீபம்.
ஆகாயம் எங்கும் காதலர் ரூபம்

(கோரஸ்)

அணையாது எந்தன் காதலின் தீபம்
ஆகாயம் எங்கும் காதலர் ரூபம்
மர்மத் திரையில்லை அல்லா முன்னாலே
மர்மத் திரையில்லை அல்லா முன்னாலே
மனிதர்கள் முன்னால் திரையென்ன?

காதல் கொண்டாலே பயமென்ன?
உண்மைக் காதல் கொண்டாலே பயமென்ன?

காதல் கொண்டேன் யாதும் பாவம் செய்தில்லை.
விதி எதிர்த்தாலும் பயமென்ன?

காதல் கொண்டாலே பயமென்ன?
உண்மைக் காதல் கொண்டாலே பயமென்ன?

இதன் விருத்தம் இடம்பெறாத தமிழ் வீடியோ வடிவமும் கிடைத்தது. 

https://www.youtube.com/watch?v=NKG3JGgOQeg

சுசீலாவின் தெலுங்கு தூக்கலான உச்சரிப்பு, ’பயமென்ன’வை ’பயமென்னா’ வாக்கியிருக்கிறது. 

நெஞ்சில் அவர்தன் நினைவே தான் பாடும்
கண்ணில் அவர்தன் கனவேதான் ஆடும்.

இதை ’நினைவே தன்’ என்று பாடும் இடங்கள் தவிர அநேகமாக அற்புதம் இதுவும்.

இந்தப் பாடலைப் பற்றி ராகவனிடம் ப்ரஸ்தாபித்து எழுதச் சொல்லிக் கேட்க வேண்டும் என ராஜு அண்ணா எழுதியிருந்தார். ராகவன்! நீங்களும் இதைப் பற்றி எழுதுங்கள் என ராஜு அண்ணாவுடன் நானும் சேர்ந்து கேட்கிறேன்.

17 கருத்துகள்:

ரிஷபன் சொன்னது…

தமிழிலும் சரி இந்தியிலும் சரி திரை இசை அதன் உச்சத்தில் கொடி கட்டிப் பறந்த இனிய நாட்கள் அவை.. ம்ம்.. எதையெல்லாம் இழந்து விட்டோம் என்று பட்டியலிட்டால் இதையும் சேர்த்துக் கொள்ளச் சொல்லும் அற்புத கானம்.

Harani சொன்னது…

சுந்தர்ஜி...

எனக்கு இந்தி தெரியாது. ஆனால் நிறைய இந்திப் படங்கள் பார்த்திருக்கிறேன். பல பாடல்களில் மனம் பறிகொடுத்திருக்கிறேன் மொழி புரியாமல். இசைக்கு மொழி தேவையில்லை. இந்தப் பதிவின் இசையில் மனம் கிறங்கிப்போனேன். வெண்ணெய் உருகல்போல் மனதில் உருக்கமும் மகிழ்ச்சியும். அருமை.

RVS சொன்னது…

பம்பரமாய் சுழன்று ஆடும் போது... பின்னால் ஜதியும்.... ஒவ்வொரு அடி முடிந்ததும் வரும் வயலினும்.... தபலாவும்... நாமும் முகலாய மன்னர்களின் தர்பாரில் உட்கார்ந்து கேட்டது போன்ற உணர்வு... உங்களது சுவாரஸ்யமான விவரிப்பும்.. தமிழ்ப் படுத்திய விதமும் அபாரம்.. நன்றி சுஜி.... ;-)))

komu சொன்னது…

mohale azam patam super movie. pyarkiya tho darna kya pattukalari varum mathupaala nalla dance atiyirupangka. ella patalkalume kalarthan. nallapattu. nallapatam.

rajasundararajan சொன்னது…

//அந்தப் படம் த்யேட்டரை விட்டுப் போன பின்பு நெடுநாள் காதலியை அவள் முறைமாமனிடம் தாரை வார்த்த ஒரு பிரிவின் வலி.//

என்ன ஓர் உணர்வு வெளிப்பாடு! ஆஹா!

2004-இல்தான் வாய்ப்புக் கிட்டியது. ஒரே இடைவேளையுடன் கூடிய குறுக்கப்பட்ட வடிவம். காக்கிநாடா சினிமா ரோடு அரங்குகள் ஒன்றில் பார்த்தேன். உரத்தொழிற்சாலை ஒரு பணியில் எனக்கு உதவியாளராக வந்திருந்த இஸ்லாமிய நண்பர் ஒருவர் இப் படத்தைப் போய்க் காணும்படி பரிந்துரைத்தார். கூடவே, "உர்தூ வார்த்தைகள் அதிகம். உங்களுக்குப் புரியுமோ என்னவோ!" என்றும் சொல்லி அனுப்பினார்.

இந்தப் பாடல் முடிவதோடு இடைவேளை வருகிறது. இஸ்ரவேலர்களிடமிருந்து கொலைவாளை எடுத்து யெஹோவிடமே திருப்பிச் சமர்ப்பிக்கும் இயேசு பெருமானை மதுபாலாவில் கண்டேன். அவருடைய மனக்களிப்பும் எள்ளலும் துள்ளலும் என்னையும் தொற்றிக்கொண்டது.

என்னா இசை யாப்பு! என்னா நடன அசைவுகள்! என்னா camera placements! நடிகர்களின் திறமை வெளிப்பாடுகளை என்ன சொல்ல!

அரங்கை விட்ட இடைவேளையில் நெஞ்சு பதைபதைக்க, ஒரு டீயும் வேணாம் காப்பியும் வேணாம் என்று தனிமைப்பட்டு, இக் காட்சிகளின் ஈரம் சொட்ட நின்றிருந்தேன்.

எனது மொழிபெயர்ப்பிலும், அன்று பெற்ற அவ் உணர்வின் விவிலிய வாசனை அடிக்கக் காணலாம். இப் படம் தமிழிலும் மொழிமாற்றம் பெற்று வந்தது என்பது தெரியாது. நீங்கள் எழுதித்தான் அறிகிறேன். நன்றி!

Matangi Mawley சொன்னது…

Sir! What do I say?

'Madhubala'-ngara per-e enakku kannoramaa oru chinna thuli kanner-rai tharum... enakku pothuvaa comment ezhuthum-pothu ennoda entha post-um link panna pidikkaathu. but ennaala intha idaththula resist panna mudiyala! So , mudinjaa intha post padikkavum, time kidaikkum pothu...

http://musicmethodandmadness.blogspot.com/2011/02/muted-music_04.html

degree coffee-la itha paththi naan future-la ezhuthuven...

mughal-e-azam cinema naan chinna vayasila 1st time paaththa pothu- dilip kumar-oda under play laam rasikka theriyaathu. but madhubala-va paaththuttu- "Cha.. ivvalo azhagaana pennukku ivvvalo kashtamaa..." nnu nenaichchen! one of the finest dialogues ever written... enna azhagaa deliver pannirukkaanga atha! ovvoru character-kum jeevan koduththirukkaanga!

i have no words!

pl. read the above mentioned post.. whenever u can...

மோகன்ஜி சொன்னது…

என்ன மேன்மையான பதிவு இது சுந்தர்ஜி!
மொகல்-ஏ-ஆஸம் படமேன்னில் ஏற்ப்படுத்திய பாதிப்பை இப்படித்தான் எழுதியிருப்பேன்.. தெருவும்,
தியேட்டருமே மாறியிருக்கும்...

அந்தப்பாடலின் தமிழ் மொழிபெயர்ப்பு அட்சரலட்சம் பெறும்.

vasan சொன்னது…

"நெடுநாள் காதலியை அவள் முறைமாமனிடம் தாரை வார்த்த ஒரு பிரிவின் வலி."

WOW, What a great words!! Nothing else can fill that feel as the only drop of burning tear(s).

சுந்தர்ஜி சொன்னது…

உங்கள் ரசனையும் உச்சத்தில் கொடி கட்டிப் பறக்கிறது ரிஷபன்.

சுந்தர்ஜி சொன்னது…

ரசனைக்கு ஏது மொழி ஹரணி? இதே போல் அப்படியே தொடர்ந்தால் எல்லையைத் தொட்டுவிடலாம்.கூடவே வாருங்கள்.

சுந்தர்ஜி சொன்னது…

ரசனையின் மன்னனல்லவா ஆர்விஎஸ்?

ரசித்த பாங்கில் தெரிகிறது உங்கள் ஆழம்.

தமிழ் நான் படுத்தவில்லை. ஏற்கெனவே படுத்தப் பட்டதுதான். அந்தக் கைகளைத் தேடியபடி இருக்கிறேன்.

சுந்தர்ஜி சொன்னது…

நன்றி கோமு.

நீங்கள் சொன்னதுபோல எல்லாப் பாடல்களுமே அதில் அருமையானவை.

சுந்தர்ஜி சொன்னது…

சாம்பல் பூத்திருந்த நெருப்பை ஊதியது நீங்கள் தான் ராஜு அண்ணா.

நானும் விவிலிய மணத்தை உணர்ந்தேன். முகலாயப் பின்னணி கொண்ட முகல்-ஏ-ஆஸமுக்கு இந்தப் பின்னணி ஒரு ஜுகல்பந்தியைக் கேட்பதான மயக்கம் தந்தது.

விரிவான பகிர்வுக்கு நன்றி அண்ணா.
அடிக்கடி வாருங்கள்.

சுந்தர்ஜி சொன்னது…

இசை மேல் உங்களார்வத்தைப் பற்றி நான் என்ன புதுசாய் சொல்லிவிடப் போகிறேன் மாதங்கி?

உங்கள் இடுகையையும் படித்துவிட்டேன்.அங்கே வந்து பொறுமையாய் எழுதுவேன். அதுதான் சரி.

இசை குறித்த எனக்குத் தெரியாத புது அறிமுகங்களையும் உங்கள் மூலமாய் அறிகிறேன் மாதங்கி.அதற்கும் நன்றி.

சுந்தர்ஜி சொன்னது…

சரியாய்ச் சொன்னீர்கள் மோஹன்ஜி.

அந்தக் காலத்தில் வந்த பல மொழிபெயர்ப்புப் பாடல்கள் இசைக்குள்ளும் அமர்ந்து மொழிக்குள்ளும் அமர்ந்தது பெருத்த பாக்யம்.

சுந்தர்ஜி சொன்னது…

எரியும் கண்ணீர்!

இதை விடவா வாசன்?

அண்ணாதுரை சிவசாமி சொன்னது…

"நடிக்கத் தெரியும் பாடத் தெரியும் எழுதத் தெரியும் என்று
சொல்பவர்களும் சொல்லாதவர்களும் அவசியம் பார்த்துத்
தீர வேண்டிய ஒரு சுகமான இம்சை இது.."....இந்த வார்த்தைகள்
போதும்..நீங்கள் இந்தப் பாட்டை எவ்வளவு தூரம் ரசித்திருக்கிறீர்கள்
என்பதைச் சொல்ல.இன்றுதான் ராஜாவின் பதிவினை எனது தளத்தில்
பார்த்தேன்.உங்களின்..அருமையான பதிவுகளைப் படிக்க சந்தர்ப்பம்
ஏற்படுத்திகொடுத்த ராஜாவிற்கு எனது நன்றிகள்.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator