10.5.11

ஓவியச் சிறை


தூரிகையிலிருந்து
வெளிப்பட்ட நாள் முதலாய்
உறைந்து நிற்கிறது
அந்தப் படகும்
அதனடி நீரும்.

அசையாத மரங்களால்
சிறைப்பட்ட காற்றுக்காகவும்
ஒரு நாளும் திறவாத
சாளரங்களுக்காகவும்
துயருறுகிறது இக்கவிதை.


உறைந்த நீரில்
என்றோ துள்ளவும் நீந்தவும்
செய்த மீன்களின்
விடுதலைக்காகவும்
கவலையுறும் என் கவிதை-

கழியுடன் கையுயர்த்தி
இறுகிப்போன மனிதனையாவது
இருட்டுவதற்குள் மீட்டெடுத்து
சந்தடியில்லா வீட்டின் வாயிலில்
கொண்டுசேர்க்க முயல்கிறது.

அவன் மெதுவே திறக்கக் கூடும்
கதவுகளையும் சாளரங்களையும்.

மறுநாளில்
மரங்களும் நீரும் அசையும்.
மீன்களும் துள்ளக் கூடும்.

அதன் பின்னே
ஓவியத்தின் மரங்களின் மேல்
எங்கிருந்தாவது சிறகசைத்து
பறவைகள் வந்தமரும்.

18 கருத்துகள்:

அரசன் சொன்னது…

வாழ்த்துக்கள் கூற வார்த்தைகளே இல்லை ..
அருமை /.

ஹேமா சொன்னது…

சுந்தர்ஜியின் இந்தக் கவிதைக்குப் பிறகும் அந்த நிழற்படம் நிகழ்வாய் அசையாவிட்டால்....!

A.R.ராஜகோபாலன் சொன்னது…

வித்தியாசமான தலைப்புகளில்
வித்தியாசம் காட்டும்
ஒவ்வொரு கவிதையும்
வெவ்வேறு தனிவேர்

அண்ணா சுந்தர்ஜி உங்களை
அன்னாந்து
அதிசயித்து
ஆர்தர்சமாய் பார்க்கிறேன்

நீங்கள் கைகளில் அள்ளிய நீரை - ஒரு துளி
என் மேலும் தெளியுங்களேன்
நான் மேலும் தெளிவாகிறேன்

ஓவியத்தை
ஓடவிட்டமைக்கு
ஒப்பில்லா நன்றி

G.M Balasubramaniam சொன்னது…

சுந்தர்ஜி, அந்த ஓவியமும், அதற்கான உங்கள் கவிதையும் நான் மிகவும் ரசித்த ஒன்று. கவிதையின் எளிமையும் உங்கள் கற்பனையும் மெருகேறிக்கொண்டே போகிறது. அருமை. வாழ்த்துக்கள்.

Vel Kannan சொன்னது…

ஒரு படைப்பை(ஓவியத்தை) உள்வாங்கி பிறிதொரு படைப்பாக வெளிபடுத்தல் இதுதானோ

vasan சொன்னது…

ர‌குவ‌ர‌னின் மிதிப‌ட்டு, அக‌லிகை மீண்டு(ம்)
வான‌மோ, வ‌ன‌மோ ஏகிய‌து போல்,
சுந்த‌ர்ஜியின் க‌விப‌ட்டு, ஓவிய‌ம் உயிர் பெற்று
க‌த‌வு, ஜ‌ன்ன‌ல், ப‌றவைக‌ள் கிரீச்சிட‌,
நீராட‌,குயில்க‌ள் கூட‌
கூடு க‌ட்ட‌லாம் ம‌ர‌ங்க‌ளில்!!

மிருணா சொன்னது…

ஆச்சர்யமாக இருக்கிறது உங்கள் கவிதையின் கோணம். keats -இன் Ode on a Grecian Urn கலையின் நிலைத்த தன்மையை இப்படிக் கொண்டாடுகிறது:
Ah, happy, happy boughs that cannot shed
Your leaves, nor ever bid the Spring adieu,
And, happy melodist, unwearied,
Forever piping songs for ever anew.
உங்கள் கவிதை அப்படியே நேர்மாறாய் வாழ்வைக் கொண்டாடுவதாய். அருமை சுந்தர்ஜி.

வை.கோபாலகிருஷ்ணன் சொன்னது…

அருமையான கற்பனை. அல்வா போன்ற கவிதை. ஓவியச்சிறை விலகட்டும், ஓவியங்களுக்கும் சுதந்திரம் கிடைக்கட்டும். பாராட்டுக்கள்.

ரிஷபன் சொன்னது…

எல்லா ஓவியங்களிலும் ஏதேனும் சிறைப்பட்டிருக்கும்.. அதை விடுவிக்கும் கவிதைச்சாவி எல்லோரிடமுமா கிடைத்து விடுகிறது..

santhanakrishnan சொன்னது…

அவ்வோவியம் சிறை மீட்கப்
பட்டிருந்தால் இந்தக் கவிதை
எழுதப் படாமலே போயிருக்கும்
அல்லவா சுந்தர்ஜி?

பா.ராஜாராம் சொன்னது…

அபாரம் சுந்தர்ஜி! :-)

விடுபட்டிருந்த சில தற்போதைய கவிதைகள் வாசித்திருக்கிறேன். செம்ம ஃபார்ம். கலக்குங்க

சுந்தர்ஜி சொன்னது…

பொய்தானே? அதான் இப்போ சொல்லிட்டீங்களே அரசன்.

இன்னுமொரு கவிதை ஹேமாவை விட்டு எழுதவெச்சிடுவோம்ல.

பட்டுதா ராஜு? தெளித்துவிட்டேன்.

மெருகை கூர்மையாய் அவதனித்து வாழ்த்தும் பாலு சாருக்கு நன்றி. நான் எழுதியவற்றில் சமீபத்தில் எனக்கு மிகவும் பிடித்த கவித அது.

யா வேல்கண்ணன். யா.

பின்னூட்டச் சக்ரவர்த்தி வாசன் வாழ்க வாழ்க. உங்க பின்னூட்டத்துக்காக எழுதிக்கொண்டே இருக்கலாம் போலிருக்கிறதே!(பின்னூட்டத்துக்கெல்லாம் பதிலெழுத மாட்டீங்களான்னு நீங்க கேட்டதுதான் மறுபடியும் உசுப்பி விட்டுடிச்சு)

சுந்தர்ஜி சொன்னது…

இந்த மாதிரியான ரசனை ஒரு கொடுப்பினைதான் மிருணா.பணிந்து ஏற்றுக்கொள்கிறேன்.நீங்கள் நேரமொதுக்கி வாசிப்பது என் பாக்யம். தொடர்ந்து வாசியுங்கள்.

சுந்தர்ஜி சொன்னது…

ஒரு வார்டன் போல ஓவியச் சிறையிலிருந்து விடை கொடுத்து விட்டு ஒரு லாலாக்கடை சேட்டுப் போல என் கவிதையை அல்வா ஆக்கிட்டீங்களே கோபு சார்!

சுந்தர்ஜி சொன்னது…

உங்களால் படிக்கப்படாமலும் மது.

சுந்தர்ஜி சொன்னது…

உங்கள்ட்டதான் அந்தக் கொத்துச் சாவி இருக்கறதா அன்னிக்கு திருச்சி ரயில்வே ஸ்டேஷன்ல பேசிக்கிட்டிருந்தாங்க ரிஷபன்.

சுந்தர்ஜி சொன்னது…

வாரும் ஓய் துபாய் பா.ரா.

எப்பவாவது ராமநாதபுரத்துல மழை மாதிரி வர்றீர்.என்ன பண்றது நீர் பல ஜோலிக்காரர்.நம்மள மாதிரியா?

இருந்தாலும் அப்பப்ப நீர் வந்துபோனாலும் அடுத்த தடவை வர்ற வரைக்கும் ஒரு நெடியை விட்டுட்டுத்தான் போறீர்.எழுத்தோட மகிமையது.

இரசிகை சொன்னது…

sudarji vithiyaasamaana paarvai...

12th la padicha poem la.antha potrate kavithai nermaarai irukkum........

vaazhthukal.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator