9.5.11

நூற்றாண்டுத் தூக்கம்



அதோ அந்த ஓவியத்தின்
சுமைதாங்கியில் முதுகு காட்டி
ஒருக்களித்துத் தூங்குகிறான்
என் நண்பன்.

மடக்கிய கையிலும்
கால் விரலின் இறுக்கத்திலும்
ததும்பிக் கசிகிறது
கனவுகளற்ற அவன் உறக்கம்.

அவன் சாப்பிட்டானா?
தாகத்துடன் உறங்குகிறானா?
குடும்பத்தைப் பிரிந்து
வெகு தொலைவு வந்துவிட்டானா?
அவன் கவலைகள் எந்த மாதிரி?
அவன் முதுகிலிருந்து
கண்டு கொள்ள முடியவில்லை
எதையும்.

ஆனாலும்
கனவுகளும் நம்பிக்கைகளும்
நிரம்பிய அவன் கூடையை
அது களவாடப்படாதிருக்க
எதனோடும் இணைத்துக் கட்டாது
ஆழ்ந்து உறங்குகிறான் அவன்.

சக மனிதர்கள் மேல்
அவன் நம்பிக்கை
அவன் உறக்கத்தைப் போல
அற்புதமானதாக இருக்கிறது.

நிச்சயம்
அவன் பல நூற்றாண்டுகளுக்கு
முந்தையவனாகத்தான் இருக்க வேண்டும்.
சக மனிதர்கள் பால்
அன்பையும் நம்பிக்கையையும்
விதைப்பதற்காக
அவன் உறக்கம் கலைத்து
மீண்டும் எழக்கூடும்
சில நூற்றாண்டுகள் தாண்டி.

(ஓவியர் திரு.சந்தானராஜின் ஓவியம் தஞ்சாவூர்க் கவிராயரின் இரண்டாவது இதழின் அட்டைப்படமாக வெளியானது. அந்த ஓவியம் கிளரச் செய்த கவிதை இது.) 

1 கருத்துரை:

சைக்கிள் said...
(ஓவியம் இணைக்கப்படவில்லை.தேவையும் இல்லை) 

கவிதை தீட்டுகிறது நம்பிக்கையின் சாயல்களை, எழுத்தின் சாயங்களால் வாழ்வை வம்புக்கிழுத்து.

இப்போது இணைக்கப்பட்டு விட்டது.

15 கருத்துகள்:

ரிஷபன் சொன்னது…

சக மனிதர்கள் மேல்
அவன் நம்பிக்கை
அவன்
உறக்கத்தைப் போல
அற்புதமானதாக
இருக்கிறது.

அவன் சீக்கிரமே எழுந்துவிட்டால் அவனுடன் வந்திருக்கும் நம்பிக்கைகளை பார்ப்பவர் மனதில் விதைத்துப் போகலாம்.. உங்கள் கவிதைகள் எப்போதும் செய்வது போல.

RVS சொன்னது…

மேலே மழையில் நனையும் அந்த இயற்கை காட்சி..
பார் கோடில் கடியாரம்...
நூற்றாண்டுக்கும் நிலைக்கும் ஒரு அற்புதமான கவிதை....
சபாஷ் ஜி!! ;-))

A.R.ராஜகோபாலன் சொன்னது…

உங்களின் இந்த கவி ஓவியம்
கண்கள் உணரும் எழுத்தோவியம்
உங்களின் எழுத்துக்கள் உங்களின் எண்ணங்களை மட்டுமல்ல
எழுத்துக்களின் வழியே வசீகர வண்ணங்களையும் வரிசைப்டுத்துகிறது

அந்த ஓவியத்தை பற்றிய உங்களின் எழுத்துக்களால்
அந்த ஓவியம் மனத்தால் ஓவியமாய் ஒருமுகப்படுத்தப்படுகிறது

வை.கோபாலகிருஷ்ணன் சொன்னது…

//அவன் சாப்பிட்டானா?
தாகத்துடன்
உறங்குகிறானா?
குடும்பத்தைப் பிரிந்து
வெகு தொலைவு
வந்துவிட்டானா?
அவன் கவலைகள்
எந்த மாதிரி?
அவன் முதுகிலிருந்து
கண்டு கொள்ள
முடியவில்லை
எதையும்.//

நானும் தினமும் பலபேர்களை ஆங்காங்கே எண்ணெய்காணாத பரட்டைத்தலையுடன், ஈ மொய்த்த உடம்புடன், ஏதோவொரு கிழிந்த அழுக்குத்துணியுடன் காண்கிறேன்.
யார் பெத்த பிள்ளையோ எனக் கண் கலங்குகிறேன்.

ஆனால் எனக்கு உங்களைப்போல நம்பிக்கையும் பிறக்கவில்லை, கவிதையும் பிறக்கவில்லை.

நம்பிக்கையுடன் கூடிய தங்கள் கவிதை வெகு அருமை. பாராட்டுக்கள்.

G.M Balasubramaniam சொன்னது…

சில நூற்றாண்டுகள்தாண்டி அவன் எழக்கூடிய பட்சத்தில்நம்பிக்கை விதைக்கப்படலாம் என்பதும் நம்பிக்கையே. களைத்துப்போய் உறங்குபவன்கவலைகளற்று இருப்பது போல் தோன்றலாம். கால் விரல்கள் இறுக்கத்தில் இருப்பது, அவன் ஆழ்மனம் ரிலாக்ஸ்டாக, இல்லை என்பதைக் காட்டலாம். அவன் உறக்கம் என் சிந்தனைக்கு இப்படி தோன்றுகிறது. பார் கோட் போல் தோன்றுவதில் நேரம் மாத்திரம் சரியாக வருகிறது. தேதி, வருடம்...?

சுந்தர்ஜி சொன்னது…

பாலு சார் தேதி மாதம் வருடத்தை வலமிருந்து இடமாகப் பாருங்கள்.

சரியாக இருக்குதானே?

Vel Kannan சொன்னது…

//...
உறக்கம் கலைத்து
மீண்டும் எழக்கூடும்
சில நூற்றாண்டுகள்
தாண்டி.// எழுவான என்பதே எனக்கு சந்தேகம் தான்
(சரி, ஜி படம் எங்கே ? )

santhanakrishnan சொன்னது…

எல்லா நூற்றாண்டுகளிலும்
சக மனிதர்கள் பால்
அன்பையும்
நம்பிக்கையையும்
விதைத்தவர்களும்,
சக மனிதர்கள் மேல்
வெறுப்ப கக்கியவர்களும்,
அவநம்பிக்கையை
விதைத்தவர்களும்
இருந்து கொண்டுதானே
இருக்கிறார்கள்.
அதிலென்ன சந்தேகம் உங்களுக்கு
சுந்தர்ஜி?

சுந்தர்ஜி சொன்னது…

அது சரி. உங்க உரைநடையை நான் நேசிப்பது போல.

நன்றி ரிஷபன்.

சுந்தர்ஜி சொன்னது…

ரசனைக்கு நன்றி ராஜு.

சுந்தர்ஜி சொன்னது…

ஆதி முதல் அந்தம் வரை ரசிக்கும் ஆர்விஎஸ் போல வருமா?

நன்றி ஆர்விஎஸ்.

சுந்தர்ஜி சொன்னது…

கோணம் மாறுகையில் காட்சியும் மாறும்தானே பாலு சார்?

சுந்தர்ஜி சொன்னது…

//நானும் தினமும் பலபேர்களை ஆங்காங்கே எண்ணெய்காணாத பரட்டைத்தலையுடன், ஈ மொய்த்த உடம்புடன், ஏதோவொரு கிழிந்த அழுக்குத்துணியுடன் காண்கிறேன்.
யார் பெத்த பிள்ளையோ எனக் கண் கலங்குகிறேன்.//

இந்த ஈரம்தான் மனிதனைக் கலைஞனாக்குகிறது.

நெகிழ்ந்தேன் கோபு சார்.

சுந்தர்ஜி சொன்னது…

அப்படி ஒரு மனிதனாய் எனக்குத் தோன்றியமையால், இவன் என்னால் பாராட்டப்படுகிறான் மது.

சுந்தர்ஜி சொன்னது…

கண்ணா!ஓவியத்த சேத்துட்டோம்ப்பு.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator