9.7.11

தெரு


1.
இதே தெருவில்தான்
அவளும் நானும்
இருந்தோம்.
இதே தெருவில்தான்
இப்போது
அவளும் நானும்
இல்லாதிருக்க
வேறு யாருடனோ
இருக்கிறது தெரு.

2.
அந்தக்
கம்பத்திலிருந்து
விழுந்துதான்
என்
கை ஒடிந்தது.

இந்த வீட்டில்தான்
தாத்தா இறுதிவார்த்தை
உதிர்த்தது.

இந்தக்
குளத்தில்தான்
பாம்பைப் பிடித்து
கழுத்தில்
போட்டுக்கொண்டது.

இந்தக் கோயில்
சன்னதியில்தான்
முதல் முத்தத்தை
அவளிடம் பறித்தது.

விட்டுச் 
செல்கையில்
இம்மரத்தடியில்தான்
கண்ணீர் சிந்தியது.

3.
எனக்கான தெரு
என்னோடு தொலைந்தது.
உனக்கான தெரு
உன்னோடு தொலைந்தது.
யாருக்காகவும்
தெரு தனியே
காத்திருப்பதில்லை.

28 கருத்துகள்:

குணசேகரன்... சொன்னது…

ஞாபகம் வருதே..ஞாபகம் வருதே....அருமை..
என்னோட வலைப்பக்கமும் வந்திட்டுப் போங்க

A.R.ராஜகோபாலன் சொன்னது…

மனதை கவர்ந்த
மனம் லயித்த கவிதை அண்ணா

Ramani சொன்னது…

ஒரு தெருதான் ஆயினும்
அது ஒவ்வொருவருக்குள்ளும் அவர்களுக்கானதாய்
மாய உருவம் காட்டி
மௌனமாய் நிற்பதாகவும் கொள்ளலாமா?
ஸுப்பர் பதிவு
தொடர வாழ்த்துக்கள்

ராகவன் சொன்னது…

அன்பு சுந்தர்ஜி,

நல்ல கவிதைகள்... தெருக்கள் கதைகளால் மேவப்படுகிறது... அதில் எல்லோருக்குமான பொதுமை கதைகள் அனேகம்... திரும்ப வாழ்தல் எல்லோருக்கும் சாத்தியம் ஆகிறது...

அதை இது போல கவிதையாக்குவது உங்களை போல சிலருக்கே வாய்க்கிறது சுந்தர்ஜி...

அற்புதமான வார்ப்பும்... படமும்... இத்தனை அழகியல் பார்வை என்று எனக்கு வாய்க்குமோ...

அன்புடன்
ராகவன்

Vel Kannan சொன்னது…

மிகுந்த நெருக்கத்தை கொடுத்த கவிதை இது ஜி

பத்மநாபன் சொன்னது…

தெருப்புகழ் கவிதை உயிரோட்டமாக இருந்தது....

தெரு யாருக்காகவும் தன் வசந்தத்தை இழப்பதில்லை...

வெங்கட் நாகராஜ் சொன்னது…

கவிதைகள் அருமை... ஒவ்வோர் தெருவிலும் நினைவுகள் கொட்டிக் கிடக்கின்றன....

அவரவர்க்கான நினைவுகள் அவர்களுடனே.....

”ஆரண்ய நிவாஸ்”ஆர்.ராமமூர்த்தி சொன்னது…

நாங்கள் UNEMPLOYED ஆக இருக்கும் போது,தெருவில் அமர்ந்து ‘சைட்’அடித்த பெண் பாட்டியாகி விட்டாள்... நானும் தாத்தாவாகி விட்டேன்!
இன்று என் பேத்தி நடக்க,
அவள் பேரன் அவன் நண்பர்களுடன்!!
- இன்னமும் மெளனமே ஒரு மெல்லிய சாட்சியாய்...
அதே தெரு!!!!

ரிஷபன் சொன்னது…

தெரு எப்போதும் அதன் சுயம் இழப்பதில்லை.. இந்தக் கவிதையைப் போல!

rajasundararajan சொன்னது…

//எனக்கான தெரு
என்னோடு தொலைந்தது.
உனக்கான தெரு
உன்னோடு தொலைந்தது.
யாருக்காகவும்
தெரு தனியே
காத்திருப்பதில்லை.//

சத்தியம்.

"எல்லாம் தனித்தனியாக நடக்கிறது நாம்தான் அவறைக் கோர்த்துக் கொள்கிறோம்," என்று நான் அடிக்கடி சொல்வதுண்டு.

யானை பற்றிய உங்கள் கவிதையும் அருமையாக இருந்தது; பின்னூட்டம் இட ஆவல் கொண்டு திறந்தால் - இந்தக் காலத்திலுமா இப்படி! - ஏற்கெனவே இடப்பட்டிருந்த பின்னூட்டங்களின் - பால்மரத்துத் தூக்கியதாயினும் ஈற்றுக்கழிவு கழிவுதான் என - நெடி துரத்த ஒதுங்கிவிட்டேன், மன்னிக்கவும்.

எல் கே சொன்னது…

கொசுவர்த்தி சுத்த வைக்கறீங்க ஜி . நன்றி

Mahi_Granny சொன்னது…

அன்பு சுந்தர் G உங்களின் கவிதைகள் நான் மட்டும் தான் விரும்பி படிக்கிறேன் என்று நினைத்துக் கொண்டிருந்தேன். ஓஹியோவிலிருந்து இங்கு கலிபோர்னியாவுக்கு வந்து பின் தான் தெரிகிறது இங்கும் உங்கள் விசிறி ஒருவர் இருக்கிறார்.அம்மா கைகள் அள்ளிய நீர் வாசிக்கிறீர்களா என்று கேட்கும் மகன். ஆச்சரியமாக இருந்தது. உடனே போன் போட்டு பாராட்டத் தோன்றுமாம் . இது வரை நான் பின்னூட்டம் இட்டதில்லை. நாகரத்தின பாம்பு, தெரு படித்த உடன் சொல்லணும் போல் தோன்றியது . வாழ்த்துக்கள்

சுந்தர்ஜி சொன்னது…

நன்றி குணா. நினைவுகள் போல் சுமையானது எதுவுமில்லை.

சுந்தர்ஜி சொன்னது…

எனக்கும் அப்படித்தான் தோன்றும் ரமணியண்ணா.ஒத்த அலைவரிசைக்கு மகிழ்ச்சி.

சுந்தர்ஜி சொன்னது…

உங்கள் மனம் கவர்ந்த கவிதையை எழுத வைத்த அந்தக் கவிதைக்கு நன்றி ராஜு.

சுந்தர்ஜி சொன்னது…

உங்களுடன் மிக நெருக்கத்தைக் கொடுக்கிறது இப்படிப்பட்ட வார்த்தைகள் வேல்கண்ணன்.

சுந்தர்ஜி சொன்னது…

என்ன ராகவன்!ரொம்பல்லாம் என்னைத் திக்குமுக்காட வைக்கறீங்க? உங்கள் ஆழமும் அழகுணர்ச்சியும் எனக்குத் தெரியும்.

ஆனாலும் வெளிப்படையான பாராட்டுக்கு ஏங்கும் மனம் இப்படி ஒரு சக கலைஞன் வார்த்தைகளில் சந்தோஷத்தில் அங்கேயே செத்துவிட நினைக்கிறது.

அன்புக்கு ரொம்பவும் நன்றி ராகவன்.

சுந்தர்ஜி சொன்னது…

நெடுநாட்கள் நெய்வேலியை விட்டு விலகி இருக்கும் உங்களை விடவா நான் சொல்லிவிடப் போகிறேன் வெங்கட்?

சுந்தர்ஜி சொன்னது…

நன்றி பத்துஜி. என் தளத்தில் நீங்களும் இணைவது எனக்கு மகிழ்வாயும் பெருமையாகவும் இருக்கிறது.

சுந்தர்ஜி சொன்னது…

நன்றி ரிஷபன்.சுயமான பாராட்டு.

சுந்தர்ஜி சொன்னது…

எனக்கு உங்களைப் பார்க்க வரும்போது அந்தப் பாட்டியையும் பார்க்கும் ஆவல் உபரியாய் இப்போ.

நன்றி ஆர்.ஆர்.ஆர்.சார். மறக்கமாட்டேன்.

சுந்தர்ஜி சொன்னது…

நெடி தாங்கமுடியலையோ எல்.கே. பொறுத்துக்கோங்க.

சுந்தர்ஜி சொன்னது…

உங்கள் வருகை இப்போதெல்லாம் அத்திப்பூவை நினைவு படுத்துகிறது ராஜு அண்ணா.

உங்களுக்குத்தான் ஈற்றுக் கழிவு.எனக்கல்ல.வரிசையில் மேலானாலும் கீழானாலும் உங்கள் வார்த்தைகள் எப்போதுமே மேல்தான் அண்ணா.

அடிக்கடி வாருங்கள்.

சுந்தர்ஜி சொன்னது…

நன்றி மஹிம்மா. இப்படிக் கூப்பிடலாமில்லையா?

ராகவனின் தளத்தில் உங்கள் பின்னூட்டங்களைப் பார்க்கும்போது எண்ணிக்கொள்வேன் நாம் எழுதும் எழுத்து அத்தனை சிலாக்கியமில்லை போல என்று.

இன்று பால் பாயசம் பருகிய ஒரு விசேஷ நாள் போல் என் தளம் நிறைவடைந்தது உங்கள் வார்த்தைகளால்.

முதல் வருகைக்கும் வாழ்த்துக்களுக்கும் நன்றி.

உங்கள் மனதுக்கு நிறைவளிப்பது போல எழுதுவேன் தொடர்ந்து.

புலவர் சா இராமாநுசம் சொன்னது…

//எனக்கான தெரு
என்னோடு தொலைந்தது.
உனக்கான தெரு
உன்னோடு தொலைந்தது.
யாருக்காகவும்
தெரு தனியே
காத்திருப்பதில்லை//

சொற்களில் எளிமை -எடுத்து
சொல்வதோ இனிமை
நற்கவி தந்தீர்-தெருவில்
நடந்துநீர் வந்தீர்
நன்றி
புலவர் சா இரமாநுசம்

சுந்தர்ஜி சொன்னது…

நன்றி ராமாநுசம் ஐயா.உங்கள் ஊக்கம் என்னுடைய ஆக்கம்.

கோவை2தில்லி சொன்னது…

அருமையான கவிதைகள். ஒவ்வொருவருக்கும் அவரவர் தெருவின் நினைவுகள் ஆயிரமிருக்கும்.....

G.M Balasubramaniam சொன்னது…

நினைவுகளைப் புதுப்பித்துக் கொள்ள நான் வசித்த சில இடங்களுக்குப் போய் மிகவும் ஏமாற்றமடைந்து திரும்பி, மறுபடியும் எண்ணக்களிலேயே வாழ நேரும் என் போன்றோருக்கு மனம் லயிக்க வைக்கும் கவிதை. பாராட்டுக்கள் சுந்தர்ஜி.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator