4.7.11

யானை



1.
இருப்பதிலேயே
துயரமானது
யானையையும்
ரயிலையும்
முழுமையாய்ப்
பார்க்கமுடியாது
என்பது.

2.
யானை பார்த்தல்
என்பது
நிலா பார்த்தல்
போலல்ல.
யானையைப்
பார்க்க
நீ போகாவிடில்
யானை உன்னைப்
பார்க்க வராது
நிலாவைப் போல.

3.
ஒவ்வொரு தலையிலும்
துதிக்கை
பதிக்கும்போதும்
யானை
தன் காட்டை
நினைக்கிறது.
பாகன்
தன் வீட்டை
நினைக்கிறான்.

4.
பாகனின் மொழியும்
சங்கிலியும்
அங்குசமும்
பழகிய யானை
ஒரு எலி.

5.
இரவுகளில்
அச்சமூட்டுகிறது
யானையை-
அது பள்ளத்தில்
சிக்கிக்கொண்ட கனவு.
பாகனை-
பள்ளத்தில் சிக்காது
அவனைத் துரத்துவதான
கனவு.

-நன்றி- கல்கி

37 கருத்துகள்:

குணசேகரன்... சொன்னது…

பதிவு அருமையாக இருக்கிறது.
என்னோட வலைப்பக்கமும் கொஞ்சம் வந்திட்டு போங்க பாஸ்..

ஹேமா சொன்னது…

யானைபற்றின சிந்தனை.யானையை நிறையத்தரம் பாத்திருக்கேன்.
உண்மைதான் ஒரு நாளும் முழுசா பாக்கமுடியலதான் !

ரமேஷ் வெங்கடபதி சொன்னது…

தற்போது யானையும் மனிதர்களைப் பார்க்க, காடு தாண்டி வருகிறது!

வை.கோபாலகிருஷ்ணன் சொன்னது…

யானையைப்பற்றி யானை அளவுக்கு பலவித ஆராய்ச்சிகள் செய்து பகிர்ந்துள்ளிர்களே, சார், நீங்கள் பதிவுலகில் இருப்பது எனக்கு யானை பலம் தருவதாக உள்ளது.

பாராட்டுக்கள். பெரிய யானையாக இருப்பதால் மீண்டும் வருவேன்.

சுந்தர்ஜி சொன்னது…

இல்லை ரம்மி.காடுகள் குறைந்துபோனதாலும்-வழி தவறுவதாலும்.மனிதர்களை விரும்பி அவை பார்க்கவருவதில்லை.

வை.கோபாலகிருஷ்ணன் சொன்னது…

அதே போல இதுவரை யானையை ஒரு ஆயிரம் முறையாவது நான் என் ஓவியங்களில் வரைந்திருப்பேன். இருப்பினும் முழுமையாக வரைய முடிவதில்லை. முன்பக்கமோ, பின்பக்கமோ, சைடு போஸிலோ தான் வரைந்து காட்டமுடியும்.

வை.கோபாலகிருஷ்ணன் சொன்னது…

யானை இவ்வளவு பலசாலியாக இருப்பினும்,

என்னைப்போல சுத்த சைவம் அது,

பொறுமையாக சத்தியத்திற்கு கட்டுப்பட்டதாக உள்ளது,

சாது மிரண்டால் காடு கொள்ளாது என்பது போல யானைக்கு மதம் பிடித்தால் போச்சு, தூக்கிப்போட்டு மிதித்து விடுகிறது, சமீபத்தில் ஓட்டளித்த தமிழக மக்களைப்போலவே,

யானைக்கு நல்ல ஞாபக சக்தியுண்டாம்.

குண்டூசி போன்ற சிறு பொருட்களைக்கூட தன் துதிக்கையால் எடுத்து விடும் அளவுக்கு பூதக்கண்ணாடி பார்வையும் உண்டாம்.

அதன் கண்களுக்கு மனிதர்கள் மிகப்பெரிய உருவம் கொண்டவர்களாகத் தெரிவார்களாம்.

இதெல்லாம் நான் கேள்விபட்டது.

துதிக்கையைத்தலையில் வைத்தாலே ஒரு அதிர்வு ஏற்படுகிறது.

அதே நேரம் அது மூச்சுவிட்டால் முடியெல்லாம் பறந்துவிடும் போல உள்ளது.

வை.கோபாலகிருஷ்ணன் சொன்னது…

காஞ்சீ மஹாஸ்வாமிகளை தரிஸிக்க பலமுறைகள் நான் போனதுண்டு.


அதில் ஒரு முறை சென்றபோது சாயங்காலம் கோ பூஜையும், கஜபூஜையும் நடைபெற்றது.

மடத்தில் நடந்த ஒரு பழைய கதையை, தரிஸனத்திற்கு வந்திருந்த வேறொரு பெரியவர் கூறினார்:

ஒரு நாள் மடத்து யானையொன்று எங்கோ உலாவச் சென்றபோது, ஒரு முள்ளுக்காட்டில் மாட்டிக்கொண்டு, உடம்பு பூராவும் ஒரே முள் தைத்துக்கொண்டு விட்டதாம். கண்ணீர் விட்டு அழுததாம்.

ஸ்ரீஸ்ரீஸ்ரீ மஹா பெரியவாளுக்கு செய்தி சென்றதாம். 10 படி டின் அளவு மொத்தம் 10 டின் நல்லெண்ணெயை, அதன் உடம்பில் ஊற்றச்சொல்லி உத்தரவாகி விட்டது.

பாகனுடன் பக்தர்களும் சென்று அது போலவே செய்தார்களாம். ஒரு மணி நேரம் ஊறட்டும் என்று விட்டு விட்டார்களாம்.

பிறகு ஒரு மணி நேரம் கழித்து அதை குளத்திற்கு கூட்டிச்சென்று குளிப்பாட்டி கூட்டி வரச் சொன்னார்கள், ஸ்ரீஸ்ரீஸ்ரீ மஹாஸ்வாமிகள்.

சரியாக ஒரு மணி நேரம் சென்றதும், சிறுமலை என்ற எஸ்டேட் அதிபர், ஒரு லாரி நிறைய சிறுமலை வாழைப்பழங்களைக் கொண்டு வந்திருப்பதாகவும், ஸ்ரீஸ்ரீஸ்ரீ மஹாப்பெரியவா ஸ்ரீ மடத்து பூஜைக்கு ஏற்றுக்கொள்ள வேண்டும் என்றும் சொல்லி நமஸ்கரித்தாராம்.

அவரை ஆசீர்வதித்த மஹா ஸ்வாமிகள் அந்தப்பழங்கள் அந்த லாரியுடன் இங்கேயே இருக்கட்டும். லாரியை மட்டும் நாளை காலையில் எடுத்துப்போகலாம் என்று சொன்னாராம்.

குளித்து விட்டு உடம்பிலுள்ள முட்கள் யாவும் சுத்தமாக நீங்கிய நிலையில், ரணப்பட்ட அந்த யானையை ஸ்ரீஸ்ரீஸ்ரீ மஹா பெரியவாளிடம் கூட்டி வந்தார்களாம்.

அந்த யானையை அப்படியே அந்த லாரி அருகே கூட்டிச்சென்று, பழங்கள் அத்தனையும் சாப்பிட ஏற்பாடு செய்தாராம், ஸ்ரீஸ்ரீஸ்ரீ மஹாஸ்வாமிகள்.

என்னவோ இந்தத் தங்கள் பதிவைப்பார்த்ததும் இதை தெரிவிக்க வேண்டும் என்று தோன்றியது.

தனிப்பதிவாகவே போட்டிருக்கலாமோ!

நெல்லி. மூர்த்தி சொன்னது…

யானையைக் குறித்து இப்படி ஒரு அருமையான கவிதையினை நான் எதிர்பார்க்கவில்லை! வாசித்ததும் ஒரு வித மனநிறைவினை தந்தது!

வெங்கட் நாகராஜ் சொன்னது…

யானை....

சிறு வயதில் பயத்துடன் வாங்கிய தும்பிக்கை ஆசீர்வாதம் நினைவுக்கு வருகிறது...

4ம், 5ம் நிதர்சனம்.....

Ramani சொன்னது…

யானை, ரயில், ரோடு ரோலர்
இவைகள் எல்லாம் எத்தனை முறைப் பார்த்தாலும்
மீண்டும் ஒருமுறை யாரையும் பார்க்கச் சொல்லும் காரணம்
அதன் பிரமாண்டம் மட்டும் அல்ல
எல்லோரும் அதன் மூலம் மீண்டும் ஒருமுறை
குழந்தைப் பருவத்தை அடைந்துவிடுகிறோம்
மனங்கவர்ந்த பதிவு

முரளிகுமார் பத்மநாபன் சொன்னது…

2, 3, 4,அப்புறம் 1, 5 எல்லாமே நல்லா இருக்கு போங்க.. :-)
2 ஸ்பெசல் எனக்கு.

இராஜராஜேஸ்வரி சொன்னது…

யானையின் தன்மையை அபாரமாய் வடித்த கவிதைகுப் பாராடுக்கள். வாழ்த்துக்கள்.

கே. பி. ஜனா... சொன்னது…

ஆக, யானையைக் கொஞ்சம் பார்த்து விட்ட மாதிரி இருக்கிறது ...நல்ல கவிதை.

மிருணா சொன்னது…

இந்த கவிதை கூட யானையை அதன் ஒவ்வொரு பரிமாணமாகப் பார்க்கிறது. ஆனால் அழகாகப் பதிவு செய்கிறது. ஒவ்வொரு கோணமும் அருமை.

க ரா சொன்னது…

கவிதையை படிக்கும் போது விநாயகமுருகனின் கோயில்மிருகம் கவிதைதொகுப்பு நியாபகத்திற்கு வருகிறது சுந்தர்ஜீ.. அனைத்தும் அருமை ...

Matangi Mawley சொன்னது…

# 3 & # 5-- அருமை!

எங்க ஸ்ரீரங்கம் யானை ஞாபகம் வந்துடுத்து!

Rathnavel சொன்னது…

நல்ல கவிதை.
வாழ்த்துக்கள்.

வித்யா சுப்ரமணியம் (Vidya Subramaniam) சொன்னது…

அருமையான கவிதைகள். நானும் கூட எனது வலையில் ஒரு யானைக் கவிதை எழுதியிருக்கிறேன். முடிந்தால் பார்க்கவும் http://vidyasubramaniam.blogspot.com/2010/12/blog-post.html

ஹ ர ணி சொன்னது…

கல்கியில் யானை வாழ்க்கை என்று ஒரு கதை எழுதினேன். யானை பற்றி நினைத்தலே சுகம். உங்கள் கவிதை சுகத்தின் சுகம். பாரதியைத் தாக்கிய யானையை நான் நினைத்துப் பார்க்கிறேன்.

சுந்தர்ஜி சொன்னது…

முதல் வருகைக்கும் பின் தொடர்தலுக்கும் நன்றி குணா. உங்கள் வலைப்பதிவுக்கும் வந்தேன்.

சுந்தர்ஜி சொன்னது…

முழுசா உண்மையை ஒத்துக்க யானையளவு பெரிய மனசு வேணும்.யானையை முழுசா நானும் பார்த்ததில்லை ஹேமா.நன்றி.

சுந்தர்ஜி சொன்னது…

நன்றி கோபு சார். யானை சைஸுக்கு நீங்களும் நிறைய ஒரு பதிவு போலப் பின்னூட்டம் போட்டுடீங்க. காஞ்சிப் பெரியவரைப் பற்றிச் சொன்ன சம்பவம் மனதைத் தொட்டது.மஹான்கள் எல்லா உயிரையும் சமமாய்ப் பாவித்த காரணத்தினால்தான் மஹான்களாய் வாழ்ந்தார்கள்.

சுந்தர்ஜி சொன்னது…

முதல் வருகைக்கு நன்றி நெல்லி மூர்த்தி.

நானே இப்படி ஒரு கவிதை எழுதுவேனென்று எதிர்பார்க்காத போது பிறந்த கவிதை இது. சற்றேறக்குறைய நம்மையறியாமலே ஒரு கர்ப்பம் தரிப்பது போல.

சுந்தர்ஜி சொன்னது…

நன்றி வெங்கட்.

யானையின் துதிக்கை மொத்தென்று தலையில் படும் அநுபவமே ஒப்புமை இல்லாதது. தும்பிக்கையின் மணமும் தனி.

சுந்தர்ஜி சொன்னது…

ரமணியண்ணா!நீங்கள் சொன்ன வரிசை எல்லோரையும் கவர்ந்த காரணத்தையும் சொன்ன விதம் அழகு.

சுந்தர்ஜி சொன்னது…

முதல்ல மூணு அப்புறம் ரெண்டு ஆக மொத்தம் அஞ்சு நன்றி முரளி உங்களுக்கு.நீங்கள் எழுதிய கடவுள் இருந்துவிட்டுப் போகட்டுமே ஒரு நல்ல காத்திரமான பதிவு.

சுந்தர்ஜி சொன்னது…

நன்றி இராஜராஜேஸ்வரி. உங்கள் ரசனை என்னை மகிழ்வித்தது.

சுந்தர்ஜி சொன்னது…

கொஞ்சமாய்ப் பார்த்தாலும் ஆழமாய்ப் பார்க்கிறது உங்களின் பார்வை. நன்றி ஜனா சார்.

சுந்தர்ஜி சொன்னது…

நன்றி மிருணா.உங்களின் யானை பார்த்தலும் கோணமும் அழகு.

இந்தக் கவிதை மறுபடியும் படிக்கும் போது உங்களின் யானை கவிதை நினைவுக்கு வந்தது.

சுந்தர்ஜி சொன்னது…

நன்றி ராம்ஸ் உங்கள் வாழ்த்துக்கு.விநாயகமுருகனின் கவிதையை வாசிக்கவில்லை.வாசிக்கிறேன்.

சுந்தர்ஜி சொன்னது…

நன்றி ரத்னவேல் ஐயா தொடர் வாசிப்புக்கு.

சுந்தர்ஜி சொன்னது…

நன்றி மாதங்கி. இதுவும் ஸ்ரீரங்கம் யானைதான்.

சுந்தர்ஜி சொன்னது…

நன்றி வித்யா.உங்கள் யானைக் கவிதையையும் வாசித்துப் பின்னூட்டமிட்டேன் நேற்று.நல்ல கவிதை.

சுந்தர்ஜி சொன்னது…

அந்தக் கதையையும் பதிவிடலாமே ஹரணி.

பாரதியைத் தூக்கியதும் தாக்கியதும் அதே யானைதான்.என்ன செய்வது?

Vel Kannan சொன்னது…

ஐந்தும் அருமை ஜி
இனி யானை பார்க்கும் போதெல்லாம் இவைகளும் நினைவிற்கு வரும்

சுந்தர்ஜி சொன்னது…

நன்றி வேல்கண்ணன். அடிக்கடி யானையைப் பாருங்கள்.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator