2.7.11

தேவ சபாத்தலம்



ஹிஸ் ஹைனெஸ் அப்துல்லா என்கிற சிபி மலயில் இயக்கிய மலையாளத் திரைப்படத்தின் இசையைப் பற்றி 1990ல் இருந்து பலநூறு தடவைகள் பல நூறு இடங்களில் பேசிச் சிலாகித்திருக்கிறேன். அதை எழுதியிருக்கிறேனா என்று எனக்கே நிச்சயமாயில்லாததால் இந்தப் பாடலுடன் இந்த இடுகை.

காய்தப்ரம் தாமோதரன் நம்பூதிரியும் மோஹன்லாலும். இந்தப் பாடலைப் பாடுமுன் காய்தப்ரம் மோஹன்லாலை சமருக்கு அழைப்பார். அதற்கு மோஹன்லால் போட்டியில் தனக்கு ஆர்வமில்லை. போட்டிக்கும் தயாரில்லை என்று ஒதுங்குவார். விடாது பாடத்தொடங்கி வலுக்கட்டாயமாக நெடுமுடி வேணுவின் ஆக்ஞைக்கு இணங்கி இந்தப் பாடலின் மற்றொரு நுனியைப் பிடித்துக்கொள்வார் மோஹன்லால்.

இயல்பாகவே காய்தப்ரம் பன்முகம் கொண்டவர். அவர் ஒரு சிறந்த பாடலாசிரியர். இசையமைப்பாளர். பாடகர். நடிகரும்.அவர் ஒரு பாடகராக நடிக்க மிகவும் சிரமப்பட நேர்ந்திருக்காது. ஆனால் ஒரு பாடகருக்குடைய உடல்மொழியோடு மோஹன்லால் இந்தப் பாடலில் க்ளாஸ்.

சாஸ்த்ரீயமான மலையாள சூழல் பார்வைக்கே மிகவும் இதமானது. அத்தோடு ரவீந்திரனின் மனம் மயக்கும் இசையின் லாகிரி ஒரு புயலாய் நம்மை அடித்துச் செல்லும் இந்தப் பாடலை கானகந்தர்வன் தாசேட்டனும் (நம்ம ஏசுதாஸ்தாங்க) ரவீந்திரன் மாஸ்டரும் சுஜித்தும் ஒரு ஜுகல்பந்தி பரிமாறியிருக்கும் அழகைக் கண்ணைத் திறந்து ஒரு தடவையும் கண்ணை மூடி ஒரு தடவையும் கேட்டுப்பாருங்கள்.

ஹிந்தோளம்-தோடி-பந்துவராளி-ஆபோகி-மோஹனம்-சங்கராபரணம்-ஷண்முகப்ரியா-கல்யாணி-சக்ரவாகம்-ரேவதி என அழகான நறுமணமலர்களால் கட்டப்பட்ட ஒரு ராகமாலிகையில் கரையும்போது

சரசரவென்று காட்டுத்தீ பக்கத்தில் எதுவெனத் தெரியாது படருவதாயும்-மிகப் பரந்து விரிந்த நிர்மலமான மேகங்களற்ற வானில் முழுநிலா கிழக்கு நோக்கி விரைவதாயும்-மிகச் சிறப்பான ஒரு க்ரிக்கெட் மட்டையாளனின் மிகச் சிறந்த நாளில் அவனின் மட்டையை நோக்கி வீசப்படும் பந்துகள் எல்லாமும் எல்லைக்கோட்டை நோக்கி விரையும் தன்மை கொண்டதாகவும் இப்பாடலின் அநுபவம் எனக்கு அமைகிறது.

எளிமையாகச் சொன்னால் உங்கள் அருகில் ஒரு மயக்கும் சுகந்தம் கொண்ட ஒரு ஊதுவத்தின் புகை சுழன்று மேலெழும்புவதை உணர்வீர்கள்.

உங்களுக்குத் துணையாக மத்யஸ்தராக வரும் மஹாராஜா உடையவர்மா நெடுமுடிவேணுவையும் சுவாரஸ்யத்துக்காக கௌதமி-சுகுமாரி என்று பார்வையாளர்களையும் உடன் அனுப்பியிருக்கிறேன்.

ஒருமுறை கேட்ட பின்பு உங்களின் ஆல் டைம் ஃபேவரிட் வரிசையில் இதுவும் ஒன்றாகி முதல் பத்தில் ஏறி உட்கார்ந்துகொள்ளும். ஒரு சின்னத் துண்டு இருந்தால் குறுக்கே போடவும். தாண்டிச் சத்தியம் செய்கிறேன்.

13 கருத்துகள்:

A.R.ராஜகோபாலன் சொன்னது…

மிக நல்ல பகிர்வு அண்ணா

போட்டி தொடங்கும் முன்னமே தன் கைகளால் காய்தப்ரம் தாமோதரன் ஐ வணங்கி அமரும் போது கால்களை நீட்டி போட்டியாளனாக நிர்பந்தித்ததை நிரூபணம் செய்துகொண்டு அமரும் அழகை ரசித்தேன்

அடுத்து என்னை பொறுத்தவரை மோகன்லாலின் நடிப்பில் பெரிய கடினத்தை காணவில்லை , ஏனெனில் மிகச்சிறந்த நடிகர்கள் தண்ணீரை போன்றவர்கள் அவர்கள் ஏற்கும் பத்திரமாகவே ஆகிவிடக்கூடியவர்கள், ஆனால் நீங்கள் எழுதியது மாதிரி பல முகம் கொண்ட பாடகர் காய்தப்ரம் தாமோதரன் பாடகராகவே நடிப்பது கடினம் என்று நினைக்கிறன், எனேன்றால் நடிகர் நடிகராகவே இருப்பது இலகுவானது , ஆனால் பாடகர் பாடகராக நடிப்பது கடினம், பாடலின் ரசனைக்கேற்ப தன் முக பாவனைகளை தன்னை மறந்து மாற்றாமல் ஒரு நடிகராக போட்டியாளனாக நிலை நிறுத்துவதென்பது மிக கடினமானதாகவே நான் கருதுகிறேன். நான் மோகன்லாலைவிட காய்தப்ரம் தாமோதரனையே மிகவும் ரசித்தேன்
இதை பாடலை நான் முதல் முறையாக பார்க்கிறேன் நன்றி

குணசேகரன்... சொன்னது…

very nice..

வை.கோபாலகிருஷ்ணன் சொன்னது…

அருமையான பாடலை
பெருமையாகச் சொல்லி
பொறுமையாக அனுப்பியுள்ளீர்கள்.

மிக்க மகிழ்ச்சி.

Matangi Mawley சொன்னது…

உங்க பதிவு ஒரு பெரிய inspiration ஆ மாறிடுத்து!

மோகன்லால் உக்காந்துருக்கற style ... முக்கால் வாசி பாட்டுக்கு... அந்த கால் மேல கால் வெச்சிண்டு... லால்குடி பாணி-ல! மோகன்லால் பாட்டு பாடராப்ல நடிக்கறது, என்ன பொறுத்த வரைக்கும்- பெரிய ஆச்சர்யம் ஒண்ணும் கெடயாது! எத்தன எத்தன மலையாள சினிமாக்கள்-ல இத போல role! எந்த கதாபாத்ரம் பண்ணினாலும்- அதுவாவே மாறக்கூடிய ஒரு actor! எனக்கு ரொம்ப பிடிச்ச ஒரு சினிமா அவரோடது-- "வானப்ரஸ்தம்"... மோகன்லால்/வேணு combination! இந்த பாட்டுலேயும்-- நெடுமுடிவேணு வோட "back up"! அதுவும்- நடுப்பர அவரும் சேர்ந்து பாடறது! இந்த "Sargam" சினிமா-ல "Aantholanam" பாட்டு சொல்லி கொடுப்பாரே! ஆஹா!

இந்த பதிவ படிச்சப்ரம்-- "His Highness Abdullaah" சினிமா-வ மறுபடியும் பாக்கணும்-போல ஆசையா இருக்கு! நாளைக்கு காலேல show எங்காத்துல அது தான்!

இந்த படத்துல இந்த பாட்டைவிட எனக்கு ரொம்பவும் பிடிச்சது-- "ப்ரமதவனம்"! அலை போல- மேலும் கீழுமா... அதுவும் யேசுதாஸ் குரல்! chance ஏ இல்ல!

சிவகுமாரன் சொன்னது…

இந்த பாடலை என் சிறுவயதில் கேட்டு அசந்திருக்கிறேன். வெகு காலத்திற்குப் பிறகு மீண்டும் ஜேசுதாசின் இசையில் நனைய விட்டீர்கள்.

kashyapan சொன்னது…

சுந்தர் ஜி அவர்களே!தேவ சபாத்தலம் கேட்டு மகிழ்ந்தேன. அதனைவிட visuals மயக்கியது.திரைப்படம் என்பது a fine mixer of light and sound. இந்த அற்புதமான அனுபவத்தை நாம் பெற லைட் பாய் ,காமிரா,துணை இயக்குனர்,எடிட்டர் என்று எத்துணை பேர் துல்லியமாக தங்கள் பணியைச்செய்திருக்க வேண்டும் என்றுநினைக்கும் போது பிரமிப்பாய் இருக்கிறது.காந்தாரம்,த்வைதம், ரிஷபம், நிஷாதம் என்று காட்சி மாறும் பொது துணை இயக்குனர்கள் என்ன பாடு பட்டிருப்பார்கள். காட்சியின் தொடர்ச்சி, ஒரேகோணத்தில் வெளிச்சம் ,மனிதர்கள் உட்காருவது நீற்பது, ஆஹா ! என்ன அற்புதமான காட்சி.! எவ்வளவு துல்லியமாக எடிட் செய்திருக்கிறார்கள்! சுகமான அனுபவம்!9நிமிடம் 2 செகண்டு வரும் இந்த காட்சிக்காக பல நாட்கள் படப்பிடிப்பு நடந்திருக்கும். வாழ்த்துக்கள்---காஸ்யபன்.

ரிஷபன் சொன்னது…

ஆனந்தம்.. ஜகதானந்தம்..
முன்பு ரசித்து ரசித்துப் பார்த்த.. ஆடியோ கேசட்டே (அறுந்து போகும் அளவுக்கு)பாடலை இப்போது விடியோவுடன் பார்க்கும் ஆனந்தம்.

மோகன்ஜி சொன்னது…

நான் சொல்ல வந்த அனுபவத்தை மாதங்கி அழகாய்ச் சொல்லி விட்டார்.. ஒரு டிட்டோ போட்டுக் கொள்ளுங்கள்..
ரசிகரில் பலவிதம்..
ரசிகன்
மகா ரசிகன்
ரண ரசிகன்.

நீர் ரணமகா ரசிக சிகாமணி ஸ்வாமி!

Harani சொன்னது…

சுந்தர்ஜி... இந்தப் படத்தைப் பார்க்கும்போது தேமேன்னு பார்த்தேன். அப்போது பார்த்த படத்தின் இசையை இப்போதுதான் முழுமையாக உணர்கிறேன். இசைபற்றிய அறிவு எனக்குக் கிடையாது. ஆனால் எல்லா இசையையும் ரசித்து கேட்பேன். பிடிக்கும். அருமையாக இருந்தது இந்தப் பதிவு. ஒன்றைக் கவனித்தீர்களா கௌதமிக்கு முன்னால் வரும் இளைஞன் மீசையில்லாத கண்ணாடியில்லாத சுந்தர்ஜி போல இல்லை. தொடர்ந்து அவன் சிரிப்பையும் பாருங்கள் உங்கள் சிரிப்புப்போலவே.

santhanakrishnan சொன்னது…

நன்றி சுந்தர்.
கை பிடித்து 90களுக்கு
அழைத்து சென்று விட்டீர்கள்.
சித்ரம்,பரதம்,,கிரீடம்..
எவ்ளோ படங்கள்.
எனக்கும் ப்ரமதவனம் கொஞ்சம்
கூட தித்திப்பு.
ரசிகன் ஒரு ரசிகையில் வரும்
பாடி அழைத்தேனும்,ஏழிசை கீதமும்
சொர்க்கம் தான்.
மீண்டும் ஒரு நன்றி.

சுந்தர்ஜி சொன்னது…

காஸ்யபன் சார்! ஸ்பெஷல் நன்றி உங்களின் நாடகத் துறை மற்றும் திரைத்துறை அனுபவத்துக்கு. ஒரு பத்து நிமிடக் காட்சி இத்தனை அழகாய் வெளிவந்திருப்பதையும் கோணங்களையும் ஒளியமைப்பையும் எடிடிங்கையும் மிகச் சரியாய் சிலாகித்தமைக்கு இசையின் ரசனையோடு.

அத்ற்குப் பிறகு ப்ரமவதனமும் ஏசுதாஸின் குரலில் தேவகானம். என் மொபைல் காலர்டோன் நெடுநாட்களாக அதுதான்.ஆனால் காட்சியமைப்பில் சரணத்தின் முடிவில் இன்னிதா என்று முடியும் உச்சஸ்தாயியில் மோகன்லால் கோட்டை விட்டிருப்பார். படப்பதிவில் நேர்ந்த இத்தவறை எடிடிங்கிலும் தவறவிட்டிருப்பார்கள். அதனாலேயே இந்தக் காட்சியைப் பாட்டாகக் கேட்கவே விரும்புகிறேன்.

வெங்கட் நாகராஜ் சொன்னது…

தில்லி வந்த புதிதில் அறையில் இருந்த ஒரு 2-இன்-1 ல் இந்த படத்தின் பாடல்களைப் போட்டுப் போட்டுக் கேட்டு இருக்கிறோம்.... அத்தனைப் பாடல்களும் அற்புதமான பாடலகள்...

மீண்டும் இப்போது காணொளியுடன் பார்க்கும் வாய்ப்பு உங்கள் மூலம் கிடைத்திருக்கிறது...

Vel Kannan சொன்னது…

ரசித்தேன்.
நன்றி

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator