24.10.10

மேய்ப்பன்


ஒரு மேய்ப்பனாய்க்
கற்றுக்கொண்டு விட்டேன்
என் கால்நடைகளின்
மொழி குறித்தும்-
மௌனம்-
வருத்தம் குறித்தும்.

பசியும் 
அதன் துள்ளலின் திசையும்
அறிவேன்.

பயணம் எந்தத் தடம்-
இளைப்பாறுதல்
எந்த மரநிழல்-
பூரணமாகத் தெரியும்
என் கைரேகை போல்.

அவற்றின் கலவி
யாரோடு எந்த நாளில்
என்பதும் எனக்கு வெளிச்சம்.

என் போலவே
அவற்றிற்கும் தெரியும்
கழுத்தின் மேலசையும்
கசாப்புக்கத்தி குறித்தும்
நெருங்கும் இறுதிநாள்
குறித்தும்.

இருந்தும்
ஒருபோதும்
கற்றுக்கொள்ள
முடியவில்லை
-மேய்ப்பன் என்னால்-
மரணத்தின் துயர்நிழல்
பூசிக்கொள்ளாத
அதன் ஞானத்தை.

11 கருத்துகள்:

santhanakrishnan சொன்னது…

மரணத்தின் நிழல்
பூசிக்கொள்ளாத
அதன் ஞானத்தை
அடைந்து விட்டால்
வாழ்வின் சுவாரஸ்யம்
குறைந்து போய்விடுமல்லவா?

நிலாமகள் சொன்னது…

அனைத்து அறிதல்களும் ஆறாம் அறிவிற்கு வசப்பட ,மரணத்தின் நிழல் பூசிக்கொள்ளாத அதன் ஞானத்தால் விஞ்சி விட்டதோ ஐந்தறிவு ...!

ஹ ர ணி சொன்னது…

Sundarji..

Very interesting poem. It writes unexpressable feelings in my mind by its simplicity with depthness. keep it up. congrats. Harani

ஹ ர ணி சொன்னது…

நிறைய தடவை கறிகோழிகளின் உதிர்ந்த இறக்கைகளையும் வெட்டப்பட்ட ஆடுகளின் உயிரற்ற உடல்களையும் அதிகாலை நேரத்தில் அவசரமாய் ரயில் பிடிக்க விரைகையில் இறுகக் கட்டப்பெற்ற ஆடுகளின் கடைசிக்குரல்களையும் இன்னும் மறக்க முடியவில்லை சுந்தர்ஜி. இவற்றைப் பல கவிதைகளில் கொட்டி தீர்ந்துபோய்க்கொண்டிருக்கிறேன். உங்கள் கவிதை என்னை மறுபடியும் ஒரு மௌன சோகத்தில் அமிழ்த்திவிட்டது. இன்னொரு வலைப்பூ தேன்சிட்டு தொடங்கியிருக்கிறேன் குறும்பா கவிதைகளுக்காக பாருங்கள் Theensittu@blogspot.com.

vasan சொன்னது…

மேய்ப்ப‌ர் அறிவ‌ர் அவரின் முடிவை,
ஏசுவுக்கு தெரியும் சும‌க்கும் சிலுவையும், காத்திருக்கும் Golgotha– (ஹேல்கொத‌)ம‌லையும்.
க‌ண்ண‌னும் அறிவான், காந்தாரி சாப‌த்தால், வேட‌னின் அம்பு குதிகாலில் குத்தும்மென‌.
தற்போதைய ஏய்ப்பர் அறியார், எது த‌ன் முடிவென‌, தேர்த‌ல் முடிவு போல்?

சுந்தர்ஜி சொன்னது…

நன்றி மதுமிதா.மரணத்தை நோக்கி இறுதி நாட்களை கழிக்கும் மனிதனுக்கும் மிருகங்களுக்கும் நிறைந்த வேறுபாடு இருக்கிறது மதுமிதா.அவை அது குறித்து எண்ணுவதோ கழிவிரக்கத்தின் வாயிலில் தவிப்பதோ இல்லை.வாழ்வின் சுவாரஸ்யம் எப்படிக் குறைந்துபோய்விடும் உதிர்வதைப் பற்றியே எண்ணாதிருக்கும்போது?மனிதனின் தவிப்பு மிருகங்களிடம் இல்லவே இல்லை.

சுந்தர்ஜி சொன்னது…

கவிதையின் மையத்தைச் சரியாகத் தைத்திருக்கிறது நீங்கள் எய்த அம்பு.ஒரு கவிதையில் உலவ வெற்றிடங்கள் நிறைய இருந்தாலும் மையத்தைச் சரியாய் அடைவது கவிஞனை ஆனந்தப்படுத்தும்.உங்களின் ரசனையும் என் ஆனந்தமும் அவ்வாறே நிலாமகள்.

சுந்தர்ஜி சொன்னது…

தொடரும் உற்சாகமான உங்களின் வார்த்தைகள் எனக்குப் படைப்பின் மீதும் எழுதப் பட வேண்டிய திசையையும் தெளிவு படுத்துகிறது ஹரணி.செழுமையான உங்களின் சிந்தனையும் வார்த்தையும் என்றும் எனக்குத் துணைவர விரும்புகிறேன் ஹரணி.

மிருணா சொன்னது…

கண்கள் முன்னால் தொங்கும் தழையைத் தின்றபடி, கயிற்றில் கட்டப்பட்டுள்ள ஆடு, தீனமாகப் புலம்புவதுபோல கசாப்புகடை தாண்டும் போதெல்லாம் தோன்றும். அதனாலேயோ என்னவோ கவிதையோடு முரண்படத் தோன்றுகிறது. ஆனால் மரணத்தை கொஞ்சம் வித்யாசமாக அணுகுவதை கற்றுக்கொள்வது பற்றி கவிதை நினைவூட்டவே செய்கிறது.

சுந்தர்ஜி சொன்னது…

நன்றி சைக்கிள்.

இந்தக் கவிதை ஆடுகள் கசாப்புக் கடைகளில் தொங்குவது பற்றியல்ல. அந்த நொடி வரை அது வாழ்வை எதிர்கொள்வது பற்றியே.

ஆடுகள் மட்டுமல்ல எதுவுமே கொல்லப்படுவது ஏற்புடையதல்ல.அது வேறு தளம்.

ரிஷபன் சொன்னது…

மரணமற்று எதுவுமில்லை.. முடிவாக. பேச்சில் கூட.. இன்றைய தின பேச்சு முறிவது கூட ஒரு வார்த்தை அம்பில் நிகழும் மரணத்தால்..
நல்ல மேய்ப்பனுக்கு அந்த ஞானம் வாய்த்திருக்குமே.. கவிதை உள்ளே ஊறும் கருணையின் பதிவோ..

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator