1.6.11

இழந்ததும் பெற்றதும்

















குருவைத் தேடி வந்தான் அந்த இளைஞன்.

‘‘குருவே! என்னால் மகிழ்ச்சியாகவே இருக்க முடியவில்லை. மனசு எதையாவது தேடிக்கொண்டே இருக்கிறது.மகிழ்ச்சியை எங்கிருந்து பெறமுடியும்?” என்றான்.


‘‘அப்படியா?அப்படி என்ன கவலை உனக்கு’’

‘‘என் பக்கத்து வீட்டுக்காரன் மிகவும் மகிழ்ச்சியாக இருக்கிறான். எந்தக் கவலையுமில்லை அவனுக்கு.அதுதான் எப்படி  என்று தெரியவில்லை.. என்னாலும் அப்படி இருக்க முடியாதா?’’

குரு சற்று யோசித்தார். அவனிடம் ஒரு பையைக் கொடுத்தார்.

‘‘இதில் ஒன்பது தங்கக் காசுகள் இருக்கின்றன. இதை உன் பக்கத்து வீட்டுக்காரன் வாசலில் போடு. அதன்பிறகு என்ன ஆயிற்று? என்று சொல்”
என்றார்.

குரு சொன்னபடியே செய்தான் அந்த இளைஞன். மூன்று நாட்கள் கழித்து குருவிடம் வந்தான்.

‘‘குருவே!அவன் நிம்மதியே போச்சு. ஆனால் அவனை இப்படிப் பார்த்தபின்புதான் எனக்கு நிம்மதி” என்றான்.

”அவனுக்குத்தான் ஒன்பது தங்கக் காசுகள் கிடைத்திருக்குமே? அப்புறம் எப்படி நிம்மதியிழந்தான்?”


”அதுதான் பிரச்னையே. விடியற்காலையில் அவன் வீட்டு வாசலில் காசுகளைப் போட்டு விட்டேன். எழுந்து வந்து பார்த்த அவன், தங்கக் காசுகளைப் பார்த்ததும் குஷியாகிவிட்டான்.

ஆனால், ஒன்பது காசுகள்தான் இருப்பதைப் பார்த்ததும் கண்டிப்பாய் பத்தாவது காசு எங்காவது விழுந்து கிடக்கும் என்று தேடத் துவங்கினான். வீட்டில் தேடினான். தெருவில் தேடினான். போகிற வருகிறவர்களிடமெல்லாம் கேட்டான். இன்னும் கேட்டுக் கொண்டே இருக்கிறான்.’’

‘‘அவனுடைய தேடல் ஓரிரு நாளில் முடிந்து பழைய நிலைக்கு அவன் திரும்பிவிடுவான். ஆனால் உன் நிலை அபாயகரமானது. அவனை வைத்து உனக்குத்தான் இந்தப்பாடம். இருப்பதில் திருப்தி அடையாவிட்டால் நிம்மதி போய் விடும். புரிகிறதா?’’ என்றார் குரு.

சட்டென்று மின்னல் வெட்டியது நிம்மதியைத் தேடி குருவிடம் வந்தவனுக்கு.

எதை இழந்திருந்தாயோ
அதை நீ 
பெறுவதும்
எதைப் பெற்றிருந்தாயோ
அதை நீ
இழப்பதும்
இன்னொருவரால்
அல்ல
என்றுணரும்போது
இழக்கவும் பெறவும்
எதுவுமிருக்காது.
ஞானத்தால் பெற்ற
நிம்மதியின் மெத்தையில்
துயிலும்போது
துயர் இருக்காது.

13 கருத்துகள்:

Ramani சொன்னது…

இழப்பதும் பெறுவதும் இன்னொருவரால் அல்ல
ஞான மெத்தையில் துயிலும்போது
துயர் இருக்காது
வெறும் வார்த்தைகள் இல்லை இவை
துயரில்லா வாழ்வுக்கான சூத்திரங்கள்

G.M Balasubramaniam சொன்னது…

நன்றும் தீதும் பிறர் தர வாரா, என்ற ரமணி அவர்களின் வலைப்பூ முகப்பு நினைவுக்கு வந்தது.சீரிய கருத்துக்களை வெகு நேர்த்தியாகச் சொல்கிறீர்கள். வாழ்துக்களும் பாராட்டுக்களும், சுந்தர்ஜி.

தினேஷ்குமார் சொன்னது…

கொண்டுவந்தோர் எவருமில்லை
என்ன கொண்டுச்செல்வோர்
அவனிடத்தில் அன்பிருக்கும் இடமத்தில்
அவனிருக்க நம்முள் அலைந்தோடி
அலைந்தோடி ஆர்பரிப்பதேனோ ......

நிரூபன் சொன்னது…

பணம் இல்லாதிருப்பவனை விட, நிறையப் பணத்தோடு வாழ்பவன் தான் - அந்தப் பணம் எப்போது தன்னை விட்டுப் போகும் என்ற நிலமையில் ஐயப்பாட்டுடன் இருந்து மனக் குழப்பத்திற்கு ஆளாகிறான்.

உங்கள் இடுகையில் தத்துவக் கதையின் இறுதியில் நீங்கள் குறிப்பிட்டிருப்பது போல துயரங்களைக் களைகின்ற போது தான் வாழ்வில் பல சிறப்புக்களை அடைய முடியும் என்பது தான் இன்றைய அனைவரது வாழ்விற்கும் தேவையான விடயமாக உள்ளது.

Anonymous சொன்னது…

நாம்தான் நம்முடைய இன்பத்துக்கும் துன்பத்துக்கும் காரணம்

வை.கோபாலகிருஷ்ணன் சொன்னது…

என்றோ கேட்ட கதையே என்றாலும்
இன்றோ சுந்தர்ஜி நினைவூட்டியது

கதையும் அருமை
கருத்தும் அருமை

//இழப்பதும் பெறுவதும்
இன்னொருவரால் அல்ல

அடுத்தவன் சந்தோஷமாக இருக்கிறான்
அது தான் என் கவலை

அவன் நிம்மதியில்லாமல் ஆனான்
இப்போது நான் நிம்மதி ஆனேன்//

அருமை, அருமை.

//ஞான மெத்தையில்
துயிலும் போது
துயர் இருக்காது//

ஆமாம். ஞானம் வந்துவிட்டால் அல்பத்தனம் தொலைந்துவிடுமே!

பாலிருக்கும் பழமிருக்கும் ...........பசியிருக்காது
பஞ்சனையில் காற்று வரும்
...........தூக்கம் வராது

பாடலை என் வாய் முணுமுணுக்கிஅது.

நல்ல பதிவு. பாராட்டுக்கள். நன்றி.

RVS சொன்னது…

ஞான மெத்தை! ரசித்தேன் ஜி! ;-)) ஜென் குருவாகவே ஆகிவிட்டீர்கள்! ;-))

A.R.ராஜகோபாலன் சொன்னது…

ஞானத்தால் பெற்ற
நிம்மதியின் மெத்தையில்
துயிலும்போது
துயர் இருக்காது.

அஞ்ஞானத்தை
அழிக்கும்
அற்புதம்
சொல்லும் கதையும்
கவிதையும்
மனதை
ஆசையை - உங்களின்
சொல்வழியே
நல்வழிப்படுத்துகிறது
நன்றி அண்ணா

ரிஷபன் சொன்னது…

99 பாலிசி என்று இதற்கு ஒரு பெயரும் உண்டு.. இந்தக் கதையில் 9 ஆகச் சுருக்கினாலும் வீர்யம் குறையவில்லை..
வாழ்க்கைக்கு தேவையான கருத்து.

Harani சொன்னது…

நான் படித்த ஜென் கதைகள் எல்லாம் நினைவுக்கு வருகின்றன. இந்தக் கதையை முன்பே வாசித்த தருணத்தில் நிற்கிறேன். உங்களுக்காக ஒரு ஜென் கதை.

ஒரு சீடன் குருவிடம் கேட்டான். நான் பேரிச்சம் பழங்களைச் சாப்பிட்டால் மதத்தைப் புறக்கணித்தவன் ஆவேனா?
இல்லையே என்றார் குரு.
மேலும் சிறிது ஈஸ்ட் சாப்பிட்டால்..சீடன் கேட்டான்.
தாராளமாக சாப்பிடலாம் என்றார் குரு.
மேலும் சிறிது நீரை உட்கொண்டால் சீடன் கேட்டான்.
அதிலொன்றும் தவறில்லை என்றார் குரு.
சீடன் இறுதியாகக் கேட்டான்.
இவை மூன்று சேர்ந்ததுதானே பேரிச்சம்பழ மது? அதைமட்டும் ஏன் அருந்தக்கூடாது?
குரு கேட்டார்.
ஒருபிடி மண்ணையள்ளி உன் தலையில் போட்டால் வலிக்குமா?
வலிக்காது என்றான் சீடன்.
மேலும் சிறிது நீரை ஊற்றினால்...?
அதுவும் வலிக்காது என்றான் சீடன்.
குரு சொன்னார். இரண்டையும் சரிவிகிதத்தில் கலந்து சுட்டு செங்கல்லாக்கி உன் தலையில் போட்டால் என்ன ஆகும்?
என் மண்டை பிளந்துவிடும் என்றான் சீடன்.
உன் கேள்விக்கான விடை கிடைத்துவிட்டது என்றார் குரு.

நன்றி சுந்தர்ஜி.

மோகன்ஜி சொன்னது…

ஞானமெத்தை வசீகரிக்கிறது...

நாமே தான் எல்லாம்.. நம்மால் தான் எல்லாம்

ஹேமா சொன்னது…

எமக்கு நாம்தான் எதிரியும் நண்பனும் !

vasan சொன்னது…

ம‌கிழ்ச்சியோடு வாழ்ந்த‌வ‌னின் வாச‌லுக்கு வ‌ந்த‌ ஒன்ப‌து பொற்காசுக‌ள், ஏழ‌ரையை இழுத்து வ‌ந்த க‌தை அருமை.

எனக்கு இது ஏன் ராஜாவின் கூட்டாளி சாதிக் பாட்சாவை நினைவுக்குக் கொண்டு வ‌ருகிற‌து?

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator