25.6.11

மொழியற்ற நொடி























கவிதையின்
முதல்வரியால்
எழுதமுடிந்ததில்லை

மரணத்திலிருந்து
மீண்டவனின்
வார்த்தைகளற்ற
மறுநொடியை-

கூடு சிதைந்தபின்னும்
மறுகூட்டை நிறுவமுயலும்
பறவையின் நம்பிக்கையை-

தூக்குக்கயிற்றின் நிழலில்
மன்னிப்பு வழங்கப்பட்டவனின்
விசும்பும் கண்ணீரை-

கவிதையின்
இறுதிவரியாலும்
எழுதவாய்த்ததில்லை

பந்தயத்தில் தோற்றவனின்
விரக்திபூத்த வியர்வையை -

பிரார்த்தனைகளில்
மறைந்திருக்கும்
துன்பத்தின் பெருவலியை-

நாடிழந்த இனத்தின்
நெடுங்கனவு
கலைக்கப்பட்டுக்
காய்ந்த பின்னும்
சொட்டும் குருதியை-

கவிதையின்
முதல்
வரியாயும்
இறுதி வரியாயும்
இருக்க
வாய்த்ததில்லை

மொழியைக்
கடந்தவற்றிற்கும்
துறந்தவற்றிற்கும்.

21 கருத்துகள்:

மிருணா சொன்னது…

மொழியின் பற்றாமையை தீவிரமாக உணரும் கணங்களை தெளிவான புகைப்படங்களாக்குகிறது இந்த கவிதை. இறுதி பத்தியின் //வாய்த்ததில்லை// என்ற வார்த்தை யோசிப்பில் அலையெழுப்புகிறது.

கவிதை வீதி... // சௌந்தர் // சொன்னது…

///
கவிதையின்
முதல்வரியால்
எழுதமுடிந்ததில்லை
மரணத்திலிருந்து
மீண்டவனின்
வார்த்தைகளற்ற
மறுநொடியை-///////


அது வார்த்தைகளால் சொல்லிவிட முடியாத தருணம்...

அழகிய துவக்கம்...

கவிதை வீதி... // சௌந்தர் // சொன்னது…

///////
நாடிழந்த இனத்தின்
நெடுங்கனவு
கலைக்கப்பட்டுக்
காய்ந்த பின்னும்
சொட்டும் குருதியை-//////

வலிகள் நிறைந்த வரிகள்..
கண்ணீரால் மட்டுமே சொல்லக்கூடிய தருணங்கள்...

கவிதை வீதி... // சௌந்தர் // சொன்னது…

//////
கவிதையின்
முதல்
வரியாயும்
இறுதி வரியாயும்
இருக்க
வாய்த்ததில்லை
மொழியைக்
கடந்தவற்றிற்கும்
துறந்தவற்றிற்கும்./////

உண்மையான வரிகள்..

வை.கோபாலகிருஷ்ணன் சொன்னது…

//மொழியைக்
கடந்தவற்றிற்கும்
துறந்தவற்றிற்கும்

கவிதையின்
முதல்
வரியாயும்
இறுதி வரியாயும்
இருக்க
வாய்த்ததில்லை//

அழகான ஒத்துக்கொள்ள வேண்டிய தகவல். நன்றி.

VELU.G சொன்னது…

அற்புதம்

Ramani சொன்னது…

மொழியற்ற நொடி எனவும் சொல்லலாம்
அதைச் சொல்வதற்கான சக்தியற்றது மொழி
எனவும் சொல்லலாம்
ஏனெனில் நீங்கள் குறிப்பிடுகின்ற நொடிகள்
அசாதாரணமானவைகள்

திருநாவுக்கரசு பழனிசாமி சொன்னது…

இதனால்தான் எழுதப்படாத கவிதைகள் இன்னும் வசீகரிக்கின்றன

G.M Balasubramaniam சொன்னது…

நீங்கள் கூறும் நொடிகளும், நிகழ்வுகளும் கவிதையின் ஒரு வரியில் (முதலோ, இறுதியோ)அடங்கக் கூடியவையா என்ன.? அது மொழியின் பற்றாக்குறை யினாலல்ல. அத்தருணங்களின் தீர்க்கத்தினால் முடியாததாகிறது.

தினேஷ்குமார் சொன்னது…

பாழுடல் தேடிய பரிகாசம்
பயிர்ச்சியத்தில் முன் செல்வோம்
எதிர் சொல் வீசி
அகத்துள் அடிமையானால்
மடியும்வரை நிம்மதியற்று
நிலையில்லா உடல்
போர்த்தி உள்ளுனரும் உயிரே
சம்மதிப்பாய் எனின் ....

வை.கோபாலகிருஷ்ணன் சொன்னது…

கேரளப்பெண்குட்டியுடன்,
கதக்களிப்படம் அருமை.

A.R.ராஜகோபாலன் சொன்னது…

சொல்லாத வார்த்தைக்கு விலையே இல்லை
மனதில் பல கருத்துக்களை விதைத்த கவிதை அண்ணா
படித்தவுடன் மனம் சற்றே பாரமானது
காரணம் அறிய முடியவில்லை
முற்படவும் இல்லை

சுந்தர்ஜி சொன்னது…

நீங்களும் நானும் ஒன்றைத் தான் சொல்லவருகிறோம் பாலு சார்.

கவிதையின் முதல்வரி இறுதிவரி என்பதெல்லாம் கவிதையின் அழகுக்காக.

காஸ்மெடிக் ப்ரெசெண்டேஷன். அவ்வளவுதான்.

நிலாமகள் சொன்னது…

எழுதாக் க‌விதைக‌ள‌ல்ல‌வா அத்த‌ருண‌ங்க‌ளின் அட‌ருண‌ர்வுக‌ள்!

நிலாமகள் சொன்னது…

ப‌ட்டிய‌லில் தெரிவு பெற்றவை ஒவ்வொன்றையும் ம‌றுப‌டி ம‌ன‌சில் அசைபோட‌ப்போட‌ சொற்க‌ள் அவ‌சிய‌ம‌ற்ற‌ சிந்தையின் ஆழ‌த்தில் அமிழ்த்துகின்ற‌ன‌. எழுத‌வோ சொல்ல‌வோ வாய்க்காவிடினும் அவை ப‌ற்றிய‌ கிள‌ர்வைத் தூண்டிய‌தில் வென்று விட்டீர்க‌ள் க‌விதைக்கும் அப்பாற்ப‌ட்டு.

ரிஷபன் சொன்னது…

ஒவ்வொரு கவிதையும் தன்னை எழுதிக் கொள்ளும் அதே தருணம் எழுதப்படாத பல கவிதைகள் உள்ளே உயிர்ப்பித்துக் கொள்கின்றன..அழகாய்.

Matangi Mawley சொன்னது…

Moments that makes us blessed to be born as human; the silence in them, defines our being human. Moments- too pregnant- to be expressed by words...

Sometimes, your words too get too pregnant with beauty that words I look for to write in a comment for you- hide themselves behind the words you had used in your poetry...

சிவகுமாரன் சொன்னது…

உங்கள் கவிதையின் முதல் வரியும் இறுதி வரியும் எல்லாவற்றையும் எழுதி விட்டதே சுந்தர்ஜி .

மோகன்ஜி சொன்னது…

சொல்லப்படாதது தான் கவிதையாகின்றதோ?
இந்தக் கவிதையை ஒரு தத்துவ விளிம்பில் காட்டியிருக்கிறீர்கள். இன்னமும் எனக்கு இதில் யோசிக்க பல இருக்கிறது... சாவகாசமாய் அசைபோட்டு மீண்டும் வருவேன்.

ராகவன் சொன்னது…

அற்புதமான கவிதை இது சுந்தர்ஜி...

கவிதையின் முதல் வரியிலும், இறுதி வரியிலும் சொல்லப்படாத விஷயங்கள் தான் கவிதையின் இடைப்பட்ட வரிகளாகிறது...

அன்புடன்
ராகவன்

Vel Kannan சொன்னது…

என்னை மனதிற்குள் எட்டி பார்த்து எழுதியது மாதிரி இருக்கு ஜி

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator