26.3.12

அப்பாவின் நாட்குறிப்பு.
























எப்போதோ வந்த ஒரு ஆங்கிலப் புத்தாண்டிலிருந்து
அப்பா இந்த நாட்குறிப்புகளை எழுதி வந்திருக்கிறார்.

முதன்முதலில் செய்த சாகசங்கள்-
பிரத்தியேகமாய்த் தயாரிக்கப்பட்ட விருந்துக் குறிப்புகள்-
யாரிடமோ பெற்ற அவமானங்கள்-
தோற்றுப்போன ஒரு கால்ப்பந்தாட்டப் போட்டி-
சைக்கிள் புதிதாய் வாங்கிய செலவுக்கணக்கு.

நிறைவேறாத தீர்மானங்கள்-
அலுவலக அரசியலின் காழ்ப்பு-
பாதியில் அறுந்து போன கனவுகள்-
குடும்பத்தின் சுற்றுலாத் திட்டக் குளறுபடிகள்-
எதிர்பாராத(?) மரணங்களின் தாக்குதலகள்.

எழுத எதுவுமில்லாது போன பக்கங்களில்
பழைய சினிமாப்பாடல்களின் முதல்வரியையும்
அந்தமாதத்து மளிகைசாமான்களின் பட்டியலையும்
எழுதிவைத்திருக்கிறார்.

அம்மாவைப் பற்றியும் என்னைப் பற்றியும்
மனதில் எழுதப்பட்ட குறிப்புகள் எந்தப் பக்கத்திலும் இல்லை.
அவசரநிலைப்பிரகடனமும்
இந்திரா சுடப்பட்டதும் சீக்கியர்கள் அழிக்கப்பட்டதும்
அவரது விமர்சனத்துடன் எழுதப்பட்டிருக்கிறது

சில வாரங்கள் எழுதாமல் இருந்து பார்க்கலாம்
என்று இருந்துவிட்டது போலத் தெரிகிறது.
சில வாரங்கள் எழுவதற்குத் தயக்கமூட்டக்கூடிய
மொழிக்குப் பயந்து தவிர்த்திருக்கலாம்.

எழுதாமல் விடப்பட்ட சில பக்கங்கள்
மிகவும் கிளர்ச்சியூட்டுவதாயும்
எட்டமுடியாத நினைவின் சுவர்களைக்
எவ்விப்பார்ப்பதாயும் இருக்கிறது..

நாட்குறிப்பின் மொழி உண்மையானதாக இருக்கவேண்டும்
மற்றவர்களின் நாட்குறிப்புக்குள் அத்துமீறி நுழையக்கூடாது
என்று நாட்குறிப்பு தொடர்பான நிபந்தனைகள்
அச்சமூட்டுபவையாகவே இருக்கின்றன என்பதாலும்
அப்பாவைப் போல நான் நாட்குறிப்புகள் எழுதமுயலவில்லை.

அதிலும் ஒரு ஆதாயம் இருக்கிறது.
அப்பாவின் நாட்குறிப்புகளைப் படித்தபின் கிளர்ந்து
இப்படி ஒரு கவிதைக்கு முயன்றது போல்
அநாவசியமாக
என் மகன் வேறொரு கவிதைக்கு முயலவேண்டியதில்லை.

8 கருத்துகள்:

கீதமஞ்சரி சொன்னது…

நாட்குறிப்புகள் எழுதப்படாவிட்டால் என்ன? கவிதைகளென அவதரிக்கும் மனக்குறிப்புகள் என்றேனும் எவரையும் கிளர்ந்தெழச் செய்யக்கூடும் நாட்குறிப்பெழுதவோ கவிதையொன்றை எழுதவோ!

Matangi Mawley சொன்னது…

Diary எழுதுவதும் ஒரு art தான்... நமக்கு அது என்னிக்கும் எழுத முடிஞ்சது கிடையாது...
கடேசி வரி class !!!

raji சொன்னது…

உங்கள் மகன் உங்கள் நாட்குறிப்பு பார்த்து வேண்டுமானால் வேறொரு கவிதைக்கு முயல வேண்டாம்.ஆனால் உங்கள் எழுத்துக்களின் தாக்கம் என்றேனும் வேறொரு கவிதைக்கோ எழுத்துக்கோ வித்தாகலாம்.எழுத்துக்கள் என்றுமே பிறரின் எண்ணங்களை கிளர்ந்தெழ செய்பவையே

G.M Balasubramaniam சொன்னது…

1957- முதல் சுமார் ஏழு ஆண்டுகள் டைரி எழுதி வந்திருக்கிறேன். அந்தக் காலத்திய என்னை மறக்காமல் இருக்க முடிகிறது. மனதில் பட்டதை எழுதி இருக்கிறேன். ஆனால் தினக் குறிப்பாக இல்லை. இப்போது படித்துப் பார்க்கும்போது எழுதியவை அநேகமாக மனம் சஞ்சலத்தில் இருக்கும் போது எழுதியவை. இப்போது நிறைய வலைப் பூக்களில் வரும் பதிவுகளை விட சுவையாகவே இருக்கிறது.இதைப் படித்தபிறகு மீண்டும் என் டைரியை படிக்க வேண்டும் என்று தோன்றுகிறது சுந்தர்ஜி.

Ramani சொன்னது…

எழுத்தாளர்களின் எண்ண வோட்டங்கள் எல்லாம்
எழுத்துக்களாக பரிமளிக்கையில் நாட்குறிப்பில் எழுத
என்னதான் மிச்சமிருக்கும்.அப்படி ஒருவேளை
எழுதப்பட்டாலும் அது வண்ணான் கணக்குப் போல
எதற்கும் ஆகாததாகத்தான் இருக்கும்
மனம் கவர்ந்த பதிவு
பகிர்வுக்கு நன்றி

ரிஷபன் சொன்னது…

எழுதாமல் விடப்பட்ட சில பக்கங்கள்
மிகவும் கிளர்ச்சியூட்டுவதாயும்
எட்டமுடியாத நினைவின் சுவர்களைக்
எவ்விப்பார்ப்பதாயும் இருக்கிறது..

என் மகன் வேறொரு கவிதைக்கு முயலவேண்டியதில்லை

ஆஹா!

ஹேமா சொன்னது…

என் அப்பாவின் நாட்குறிப்பை ஒளிச்சு வச்சு வாசிச்சது ஞாபகம் வருகிறது.பொக்கிஷக் குறிப்புகள் !

Er.Rajkumar P.P சொன்னது…

நெகிழ வைக்கும் வரிகள்! அருமை!

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator