8.3.12

கனவின் நகல்



இதற்குமுன்
ஒருபோதும்
சென்றிருக்காத
ஏதோவொரு
அயல்நாட்டின்

ஒரு வெறுமையான
தெருவிலிருந்து
துவங்குகிறது
அந்தக் கனவு.

நகரவாசிகளின்
புதிரான மொழி
குறித்தோ-

பாஸ்போர்ட்
விசா தொடர்பான
ஆபத்துக்கள்
குறித்தோ
நீளும் என் கனவுக்குக்
கவலையில்லை.

திடுதிப்பென்று
இப்படி அயல்நாடு
வந்தால்
எங்கே தங்குவதென்பது
பற்றியோ

குறைந்த பட்சம்
காலை உணவு குறித்தோ
கொஞ்சமும்
அக்கறையில்லை.

குளிருக்குச் சற்றும்
பொருத்தமில்லாத
போர்வையுடனும்

கால்களுக்குச்
சப்பாத்துக்களுமின்றி
எத்தனை தூரம்தான்
இன்னும்
கூட்டிச்செல்லுமோ
என நடுக்கமுற்று நிற்க-

நல்லவேளை
அந்தக் கனவின்
அடுத்த தெருவிலேயே
தென்பட்ட
என் வீட்டின்
படுக்கையறைக்குள்
புகுந்து போர்த்திக்கொள்ள

எனைத் தேடி
அயல்தேசத்தின்
அடுத்த தெருவிலேயே
காத்திருக்கக்கூடும்
அந்தக் கனவு.


-நன்றி- ஆனந்தவிகடன் - 14.03.2012

24 கருத்துகள்:

G.M Balasubramaniam சொன்னது…

முன்பே படித்த நினைவு.இருந்தாலும் படிக்கப் படிக்க தெவிட்டாத கவிதை.

அப்பாதுரை சொன்னது…

முறுவல் :)

கீதமஞ்சரி சொன்னது…

கனவின் கைகளை உதறி அதை நிர்க்கதியாய் அந்நிய தேசத்தில் விட்டு வந்த உங்களைத் தேடி அலைந்தும் அழுதும் கொண்டிருக்கலாம் அக்கனவு. தேச வரையறையற்று திரிந்தலையும் இக்கவிதை வாயிலேனும் அதன் கவலை தீர்த்தமைக்கு நன்றி. மனம் தொட்ட கவிதை. பாராட்டுகள்.

இரசிகை சொன்னது…

nallaayirukku.

vasan சொன்னது…

க‌னவு நின்ற‌தும்
கால்க‌ள் நின்ற‌தா?

கால்க‌ள் நின்ற‌தால்
க‌னவு காத்திருக்கிற‌தா?

ம‌னம் ஒரு குர‌ங்கெனில்
க‌னவு ஒரு ப‌ற‌வைதானோ?

சக்தி சொன்னது…

அலைக்கழிக்கும் கனவுகள் மத்தியில் அலைக்கழிக்கா நற் கனவு

A.R.ராஜகோபாலன் சொன்னது…

சிலீரன்ற வார்த்தைகளின் துணையே
சிறகுகள் கொடுத்து
வானில்
வலம்
வரவைக்கும்
விந்தை உங்களுக்கே
வாய்க்கும் சுந்தர்ஜி.
விசாலம் .......................

எல்.கே. சொன்னது…

எனக்குப் பல மோசமானக் கனவுகள் வருவதுண்டு

சமுத்ரா சொன்னது…

good

ஹேமா சொன்னது…

சிரிச்சிட்டேன் சுந்தர்ஜி.எனக்கெல்லாம் இப்ப ஊருக்குப் போறமாதிரியும் அங்க பனிமழை கொட்டுற மாதிரியும் கனவு வருது !

வை.கோபாலகிருஷ்ணன் சொன்னது…

நான் தூங்கும்போது விழித்திருப்பதுபோலக் கனவு கண்டேன்.
விழித்துப்பார்த்தால் தூங்கிக்கொண்டிருந்தேன்.

இது எப்படியிருக்கு சுந்தர்ஜி, சார் !

வை.கோபாலகிருஷ்ணன் சொன்னது…

நாம் நம் வீட்டை விட்டு, நம் படுக்கையை விட்டு, நம் AC ரூமை விட்டு, நம் PC ஐ விட்டு எங்கும் செல்ல விரும்பாதபோதும், நம்மை சமயத்தில் எங்கெங்கோ அழைத்துச்சென்று, சிக்கலில் மாட்டிவிடும் இந்தப்பொல்லாத கனவுகள்.

ஒருசில சமயங்களில் மட்டும் இன்பக்கனாக்கள் வருவதுண்டு. அதை முழுவதும் அனுபவிக்கவிடாமல், மனைவி, செல்போன், அலாரம், காலிங்பெல், அழையா விருந்தாளி போன்ற தொல்லைகள் குறுக்கிட்டு எழுப்பிவிட்டு, கனவைக்கலைத்து விடுவதும் உண்டு.

நல்ல கவிதை இன்பக்கனா போலவே.

ரிஷபன் சொன்னது…

இதைத்தான் காலங்காலமாக தமிழ் சினிமாக்களில் காட்டுகிறார்கள்.. ஒரு பாடல் காட்சிக்கு வெளிதேசம் போய் ஆடிவிட்டு மறுபடி ரெங்கநாதன் தெருவில் வில்லனின் ஆட்களோடு சண்டை போட வந்துவ்டும் ஹீரோ!

சும்மா கலாட்டா பண்ணேன் சுந்தர்ஜி!
எனைத் தேடி
அடுத்த தெருவின்
அயல்தேசத்திலேயே
காத்திருக்கக்கூடும்
அந்தக் கனவு.
இந்த முத்தாய்ப்பான வரியில் அழகாகி விடுகிறது உங்கள் கவிதை.

ரமணி சொன்னது…

கனவு குறித்த தங்கள் பதிவு அருமை
நினைவு மனத்திற்குக் கூட
சில வரையரை சில லாஜிக் எல்லாம் உண்டு
கனவுகளுக்கு ஏது எல்லைக்கோடு
பாஸ்போட் விசாதொந்தரவு
நீங்கள் சொல்வது போல
அயல் தேசத்தில் அடுத்த தெருவில்
உறுதியாக நம் வீடு இருக்கும்
கனவில் அது குறித்த குழப்பமும் இருக்கும்
முழிப்பு வந்தால் குழப்பம் தீரக்கூடும்
ஆனால் அப்போது தவராமல்
எதையோ இழந்தது போன்ற ஏக்கம் நிச்சயம்இருக்கும்
கனவு குறித்த நல்ல நினைவு
தொடர வாழ்த்துக்கள்

மாதங்கி மாலி சொன்னது…

Dreams are strange, indeed... i tried reading Freud's "interpretation of dreams"... couldn't get past 50 pages! i decided that that moment-- dreams are like the concept- God... best enjoyed when one doesn't understand it...

There's a subtle, feel-good beauty in innocence. It’s a pity that the beauty in innocence is only realized after losing it...

Beautiful poetry!!!

ப.தியாகு சொன்னது…

அதானே பார்த்தேன்,
ஒரே கனவு எப்படி (வரி பிசகாமல்) திரும்பத்திரும்ப வர வாய்ப்பென்று
கலவரமடைந்தேன் போங்கள்!
கனவின் நகலை பத்திரபடுத்துகிறேன் சுந்தர்ஜி சார்.

சக்தி சொன்னது…

அலைக்கழிக்கும் கனவுகள் மத்தியில் அலைக்கழிக்கா நற் கனவு
அன்னிக்கு ஒருபேச்சு இன்னிக்கு ஒரு பேச்சில்ல

வேல்கண்ணன் சொன்னது…

ஆனந்த விகடனில் அயல்தேசக் கனவுக்கு வாழ்த்துக்கள்.

நாணற்காடன் சொன்னது…

அயல்தேசக் கனவு அழகு.

எஸ்.வி.வேணுகோபாலன் சொன்னது…

விகடன் கவிதை அருமையாயும் வித்தியாசமாயும்.

சிவகுமாரன் சொன்னது…

நானும் அடிக்கடி காணும் கனவு தான் இது - கண்ணைத் திறந்து கொண்டே.
( ஹ்ம் --- நானும் தான் ஆனந்த விகடனுக்கு அனுப்பிக் கிட்டேயிருக்கேன் !!!!)
வாழ்த்துக்கள் சுந்தர்ஜி

சிவகுமாரன் சொன்னது…

அந்த க்ரீன்ப்ளை விளம்பரம் பார்த்து சிரித்துக் கொண்டேயிருக்கிறேன்.
பீப்பி (?!) ஊதும் அந்த தாத்தா படம் ... (ஒருவேளை உண்மையான வித்வானாய் இருந்தால் அடிக்க வராதீர்கள் சுந்தர்ஜி)
எங்கு பிடிக்கிறீர்கள் இதையெல்லாம் ? சரியான ரசனைக்காரர் அய்யா நீங்கள் .

எஸ்.ராஜகுமாரன் சொன்னது…

சொல்வனத்தில் கவிதை நன்று. தொடர்க.

தனலக்ஷ்மி பாஸ்கரன், திருச்சி சொன்னது…

அயல் தேசத்தில் மிதந்த புளகாங்கிதம் “தொப்பென்று” உள்ளூர் சயன அறையில் போட்டதும் “சப்பென்று” ஆகிவிட்டது.ஒரு சூப்பர் கனவு.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator