எப்போதெல்லாம்
நீந்தமுடியவில்லையோ
அப்போதெல்லாம்
நடக்கும்.
எப்போதெல்லாம்
நடக்கமுடியவில்லையோ
அப்போதெல்லாம்
பறக்கும்
எப்போதெல்லாம்
எதுவும் முடியவில்லையோ
அப்போதெல்லாம
மகளின் கைக்ளுக்குள்
நுழைந்து
ஓய்வெடுத்துக்
கொண்டிருப்பதாக
அறிவுறுத்தப்பட்டு
ஓவியத்தில் தலைகீழாகத்
தொங்கும்
விதிகளை மாற்றி
வரையப் பட்ட
அந்தப் பரிதாப மீன்.
3 கருத்துகள்:
குழந்தைகளின் கற்பனைகள் அளவேயில்லாத அற்புதம் !
பரிதாப மீனல்ல. படைப்பாளியின் பெருக்கெடுக்கும் பாசத்தில் நீந்தி ஓய்ந்த மீன் அது. நீந்திக் களைக்கும் துடுப்பின் வலிபோக்கும் யுத்தியை தன் தூரிகை வழி புகுத்திப் பராமரிக்கும் தேவதை அவள்.
விதிகள் ,மீறல்கள், எல்லாம் நுழையாத பருவத்தை அனுபவிக்கும் மகளே
வாழ்க...!
கருத்துரையிடுக