5.11.12

க்ருஸ்துவின் அற்புதக் கவிதையும், ஒரு அஞ்சலியும்


என் பள்ளி நாட்களில் இருந்தே, நான் கடந்து சென்ற பல்வேறு தேவாலயங்களின் - பறவைகளின் குரலோடு சேர்ந்து ஒலிக்கும் - நம்பிக்கையின் மணியோசை இன்னும் எனக்குள் ஒலித்தபடி இருக்கிறது. 

பல சமயங்களில் எழுதும் முன், மொழியின் கவித்வத்துக்காக பைபிளை நான் வாசித்து உந்துதல் பெற்றதுண்டு. 

பல சந்தர்ப்பங்களில் களைத்தும் துவண்டும் ஒரு கொடித்துணியாய்க் கிடந்த என் ஆன்மாவுக்கு, அந்த ஆலயங்களின் சுவர்களில் பொறிக்கப்பட்டிருக்கும் தேவனின் மஹாவாக்கியங்கள் அபரிமிதமான நம்பிக்கை கொடுக்கும். தூக்கி நிறுத்தும். வெளிச்சம் பாய்ச்சும்.

திருவாசகத்துக்கு மட்டுமல்ல- தேவாலயங்களின் பேரமைதியின் தேனைக் குடித்தும், ப்யானோவின் இசையோடு கலந்தும், விலகியும் உயிர்பெறும் தோத்திரப் பாடல்களைக் கேட்டு ஒரு கணமாவது உருகாதவன் ஒரு வாசகத்துக்கும் உருகாத ஜடமாய்த்தான் இருக்கமுடியும். 

மதங்களைக் கடந்ததுதான் ஆன்மீகத்தின் முதிர்ச்சி. ஆனாலும் க்ருஸ்தவ மதத்தின் மறுமலர்ச்சிக்கு ஏசுவின் அவதாரம் ஒரு மாபெரும் கொடை. பழைய ஏற்பாட்டை வாசித்து முடித்த கையோடு புதிய ஏற்பாட்டை வாசித்தால் இதை உணர முடியும். 

 புதிய ஏற்பாட்டிலிருந்து நான் ரசித்த வசனங்களைத் தொடர்ந்து சில இடுகைகளில் எழுத நினைத்திருக்கிறேன். (பழைய ஏற்பாட்டிலும் அற்புதமான பகுதிகள் இருக்கத்தான் இருக்கின்றன. இவை முடிந்த பின் அவை)

முதலில் மத்தேயுவின் அதிகாரத்திலிருந்து: 

ஆகாயத்துப் பட்சிகளைக் கவனித்துப்பாருங்கள். 
அவைகள் விதைக்கிறதுமில்லை; அறுக்கிறதுமில்லை; 
களஞ்சியங்களில் சேர்த்து வைக்கிறதுமில்லை. 
அவைகளையும் உங்கள் பரமபிதா பிழைப்பூட்டுகிறார்; 
அவைகளைப் பார்க்கிலும் நீங்கள் விசேஷித்தவர்கள் அல்லவா?

கவலைப்படுகிறதினாலே உங்களில் எவன் தன் சரீர அளவோடு ஒரு முழத்தைக் கூட்டுவான்? 

உடைக்காகவும் நீங்கள் கவலைப்படுகிறதென்ன? 


காட்டுப்புஷ்பங்கள் எப்படி வளருகின்றன என்பதைக் கவனித்துப் பாருங்கள். அவைகள் உழைக்கிறதும் இல்லை, நூற்கிறதும் இல்லை; 

என்றாலும் சாலொமோன் முதலாய்த் தன் சர்வ மகிமையிலும் அவைகளில் ஒன்றைப்போலாகிலும் உடுத்தியிருந்தது இல்லை என்று, உங்களுக்குச் சொல்லுகிறேன்.  

அற்ப விசுவாசிகளே! 
இன்றைக்கு இருந்து நாளைக்கு அடுப்பிலே போடப்படும் காட்டுப் புல்லுக்குத் தேவன் இவ்விதமாக உடுத்துவித்தால், 


உங்களுக்கு உடுத்துவிப்பது அதிக நிச்சயமல்லவா? 
ஆகையால், எதை உண்போம், எதைக் குடிப்போம் என்று கவலைப்படாதிருங்கள். 

இவைகளையெல்லாம் அஞ்ஞானிகள் நாடித்தேடுகிறார்கள்; இவைகளெல்லாம் உங்களுக்கு வேண்டியவைகள் என்று உங்கள் பரமபிதா அறிந்திருக்கிறார்.  

முதலில் தேவனுடைய ராஜ்யத்தையும் அவருடைய நீதியையும் தேடுங்கள்; அப்பொழுது இவைகளெல்லாம் உங்களுக்குக் கூடக் கொடுக்கப்படும். 

ஆகையால் நாளைக்காகக் கவலைப்படாது இருங்கள்; 


நாளைய தினம் தன்னுடையவைகளுக்காகக் கவலைப்படும். 
அந்தந்த நாளுக்கு அதனதன் பாடு போதும். 



 மத்தேயு - 6 - 26 - 34


~~~~~~~~~~~~~~~~~~~~~~~~~~~~~~~~~


என்னை மிகவும் வசீகரித்த சமையல் கலைஞன் ஜேக்கபின் 37 வயது அகால மரணம் என் விடியலின் கிளைகளை உலுக்கியது. 

கலகலப்பான உள்ளம் நிறைந்த ஜேக்கபின் உணவு சார்ந்த ஆர்வம் அவரின் 13ம் வயதிலிருந்தே அவரைச் சமையலறைக்குள் ஈர்த்தது. 

உத்தமபாளையத்தில் பிறந்து உலகத்தின் தமிழ் பேசும் எல்லாச் சமையல் அறைகளுக்கும் பயணித்த ஜேக்கபின் பயணம் நேற்று முடிவடையும் என்பதை யாரால்தான் நம்ப முடியும்?

சங்ககால மக்களின் உணவுப்பழக்கங்கள் குறித்த ஆராய்ச்சி வரை தேடிச் சென்ற - ஜேக்கபின் சுவடுகள் மட்டும் பதிந்திருந்த - அந்த ஒற்றையடிப் பாதை , காலத்தால் இத்தனை சீக்கிரம் மூடப்படாது இருந்திருக்கலாம். 

மரம் அறியாது பிய்த்தெறியப்பட்ட மற்றுமொரு இலையே! 
எரிக்கும் தைலம் நிரம்பியிருந்தும் ஊதி அணைக்கப்பட்ட இன்னொரு அகலே!
விறகுகள்தான் நெடுநேரம் எரியுமேயன்றி ஊதுவத்திகள் அல்ல என்பதைச் சொல்லாமல் சொன்ன ஜேக்கப்! என் ஆர்வங்களின் தோழனே!

என் கண்ணீர் அஞ்சலியின் விசும்பல்கள் உனக்குக் கேட்கிறதா ஜேக்கப்?  . 

5 கருத்துகள்:

Matangi Mawley சொன்னது…

We were talking about Chef Jacob demise at our home. It came as a shock. Just 37!
Mathew's- "நாளைய தினம் தன்னுடையவைகளுக்காகக் கவலைப்படும். அந்தந்த நாளுக்கு அதனதன் பாடு போதும்". This last line interested me the most...

வெங்கட் நாகராஜ் சொன்னது…

அதற்குள் என்ன அவசரம் - அவரை அழைத்துக் கொள்ள.... :(

அற்புதக் கவிதைகள் தொடரட்டும்...

மீனாக்ஷி சொன்னது…

உங்களுடைய பதிவை பார்த்துதான் இவர் இறந்ததை தெரிந்து கொண்டேன். ரொம்ப அதிர்ச்சியா இருக்கு. நான் இவரோட சமயல் ஷோ நிறைய பாத்திருக்கேன். நம்பவே முடியல. மனசுக்கு ரொம்ப வருத்தமா இருக்கு. :(

//அந்தந்த நாளுக்கு அதனதன் பாடு போதும். // எவ்வளவு உண்மை!

அற்புத கவிதைகள் அருமை. தொடருங்கள்.

vasan சொன்னது…

ஆண்ட‌வ‌னுக்கு அகோர‌ப் ப‌சி போலும்.
..... அஞ்ச‌லி..............
வாழும் வ‌யதில், தொழும் நிலைவில்.

Jayajothy Jayajothy சொன்னது…

பைபிள் வெறும் கிருத்துவ மதம் சார்ந்த நூல் மட்டுமன்று , மிக சிறந்த இலக்கிய கருவூலம் என்று திரு குப்பு. வீரமணி அவர்கள் அநேகம் எடுத்துக்காட்டுகளை கூற அதை கேட்டவள் என்கிற வகையில் நான் உணர்ந்திருக்கிறேன். மேலும் பிரகாஷ் அய்யா எழுதி வெளிவராத விவிலிய வழக்கு மொழியில் எழுதப்பட்ட troy அருமையான படைப்பு.

அண்ணா நகரில் எங்கும் ஒட்டிய jaccob இன் இரங்கல் போஸ்டர்களைப் பற்றி எனது தோழி ஜோன் லிண்டன் பேசும்போது தான் தெரிந்துக கொண்டேன் . உங்கள் அஞ்சலி உணர்வு பூர்வமாய் இருந்தது.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator