5.12.11

அனுமதி இலவசம்



1.
எல்லாப் பூங்காக்களிலும்
விரைத்த சுளித்த 
முகத்தைச் சுமந்தபடி 
வீசி நடக்கும்
கனவான் சீமாட்டிகளுக்கு
அண்மைப் புல்வெளிகளில்
பாரம் சுமந்து உறங்குகிறார்கள்
துரத்தப்பட்டவர்கள்.

2.
பெருத்த அமைதி
மலைப்பாம்பாய்ப் புரளும்
நூலகங்களின்
படித்த வரிகளில்
உறங்கியபடி இருக்கிறார்கள்
வேறெங்கும் போவதற்கு
வழியில்லாதவர்கள்.

3.
கோயில்களில் திறக்கப்படும்
அன்னதானக் கதவுகளை
நோக்கிப் பாயும்
யாசகர்களின் பசி குறித்துப்
புள்ளிவிவரங்களுடன்
அரசு விழாக்களில்
வெட்கங்கெட்ட
கவிதைகள் எழுதப்படுகின்றன.

4.
கருங்கடலின் முன்
செல்லுமிடம் தெரியாது
நிற்கும்
இன்னும் ஆயிரம்பேருக்குள்
வந்து மோதுகின்றன
கடலின் பேரலைகள்.

5.
நிராதரவின் கரங்களில்
ஊசலாடுகின்றன
இரவுகளில்
மூடப்பட இருக்கிற
ரயில் நிலையங்கள்-
கோயில்கள்-நூலகங்கள்-
பூங்காக்கள்-
பொதுக்கழிப்பறைகள்.

அதனினும்
பெருந் திகிலூட்டுபவை
மூடப்படாத இரவுகள்
மூடப்படாத சாலைகள்
மற்றும் ஒருபோதும்
உபயோகிக்கப்படாத
ஆட்சியாளர்களின்
துருப்பிடித்த மூளைகள்.

11 கருத்துகள்:

இரசிகை சொன்னது…

3.கோயில்களில்திறக்கப்படும்
அன்னதானக் கதவுகளைநோக்கிப் பாயும்யாசகர்களின்
பசி குறித்து
அரசு விழாக்களில்கவிதைகள் எழுதப்படுகின்றன.

:(

எஸ்.வி.வேணுகோபாலன் சொன்னது…

அழகு.அதிர்ச்சி கொடுக்கும் அழகு.சிந்தனையைச் சீண்டும் அழகு.
சூடாக வந்து தாக்கிய அழகு.

எஸ் வி வி

G.M Balasubramaniam சொன்னது…

மூடினால் திகிலூட்டும் ,மூடாமலேயே திகிலூட்டும் புரிந்து கொள்ள முடிகிறது. உபயோகிக்காமல் துருப்பிடித்த மூளை.நல்ல கற்பனை. அழகு.

ஹேமா சொன்னது…

ஆட்சியாளரின் துருப்பிடித்த மூளைகள்.சுந்தர்ஜி உங்களால் மட்டுமே இப்படிச் சிந்திக்க முடிகிறது !

RVS சொன்னது…

அபாரம் ஜி! அர்த்தம் பொதிந்த கவிதைகள். :-)

ஹ ர ணி சொன்னது…

சுந்தர சுகத்தின் பெயர் கொண்டு
சுகந்து நிற்பவனே...
எந்திரகதியில் இயங்கும் உலகிடை
என்ன மாயம் கற்றாய்?
எழிலுறு தமிழில் ஏற்றமாய்
எந்த மனமும் சிக்கும் மீனாய்
மந்திர வலைவிரித்தாய் மாயச்
செர்ற்களில்லை உன்னிடத்தில்
மயங்கும் வார்த்தைகளில்லை
உன்னிடத்தில் ஆனாலும்
உலகின் உயர்ந்த மானுடத்தின்
உன்னதம் போற்றும் கவிப்
பூக்களைத் தொடுத்துநின்றாய்..
தோழனே..நம்மையன்றி
யாரினி இவ்வுலகின் வறுமை
பாடுவார் அவர்துயர் பேசுவார்
எள்ளலும் வாழ்வின் அவலமும்
இசைந்திசைக்க எத்தனை
எளிமையாய் இந்தப் பதிவில்
ஏராளமாய் எண்ணிப் பேசவும்
எழுதவும் இடம்தந்து
கவி தந்திருக்கிறாய்..நாடாளும்
மன்னனில்லை நான் உனக்குப்
பொன்னாடை போர்த்தி பரிசு
அளிக்க.. மனசிருக்கிறது..
அதில் மாறாத அன்பிருக்கிறது
ஏற்றுக்கொள் என்னிதயச்
சொற்களில் கோர்த்த இந்தப்
பாமாலையை...

வாழ்க வளத்துடன்...

Rathnavel சொன்னது…

வேதனையான வாழ்க்கை.

ரிஷபன் சொன்னது…

கொஞ்சம் கொஞ்சமாய் அலை திரண்டு வந்து கடைசியில் சீறிப் பாய்ந்த அழகு..

சக்தி சொன்னது…

vanthu mothum alaigal oruvelai nam kavithaikalaaga....

manichudar சொன்னது…

துரத்தப்பட்டவர்கள், வழியில்லாதவர்கள், யாசகர்கள், திக்கற்றவர்கள் ஆட்சியாளர்களின் துருப் பிடித்த மூளைகளினால் உணரப்படாத துரதிஷ்டசாலிகள்.

சிவகுமாரன் சொன்னது…

துருப்பிடித்த மூளையா ?
ஊழல் செய்வதற்கும், மாட்டாமல் தப்பிப்பதற்கும், மாட்டினால் சமாளிப்பதற்கும் ...
நிறையவே பயன்படுத்துகிறார்கள் மூளையை.
ஓட்டுப் போட்டவர்களின் மூளை தான் சலவை செய்யப்பட்டிருக்கிறது.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator