26.9.10

சருகின் மொழி



படரக் கற்கிறேன் 
வீசியெறிந்த விதையிலிருந்து
மீளும் பாகற்கொடியின்
கைகளிலிருந்து -

ஒட்டியும் விலகியும்
இருக்கக் கற்கிறேன்
எப்போதும் உடன் இருந்தும்
வெளியே காத்து நிற்கும்
காலணியின் போதிப்பிலிருந்து  -

மீளக் கற்கிறேன்
ஏதோ எச்சத்தின் ஆழத்தில்
விழுது பரப்பிய மரத்தின்
நம்பிக்கையிலிருந்து -

நிரப்பக் கற்கிறேன்
கொள்வது எவ்வளவாயினும்
எத்தகையதாயினும்
நிரப்பும் நீரின்
தன்மையிலிருந்து -

பார்க்கக் கற்கிறேன்
இருள் அனைத்தும்
நிறங்கள் என்றறியும்
பார்வையற்றவனின்
கண்களிலிருந்து -

வாழக் கற்கிறேன்
மரணத்தை முதுகில் சுமந்து
நகரும் நத்தையின்
நிதானத்திலிருந்து -

மரிக்கக் கற்கிறேன்
உதிர்ந்த பின்னும் வழிகாட்டும்
சருகுகளின் மொழியிலிருந்து.

12 கருத்துகள்:

சைக்கிள் சொன்னது…

//நிறங்களெல்லாம்
இருளென்றறியும்
பார்வையற்றவனின்
கண்களிலிருந்து
வாழக் கற்கிறேன்.//
- என் அனுபவம் ஒன்றால் தூண்டப் பெற்று நான் இப்படி வாசித்துக் கொண்டேன். அர்த்தமுள்ள நம்பிக்கையான வரிகள் அத்தனையும். very fine.

இரசிகை சொன்னது…

nallaayirukku sundarji...

:)

செல்வராஜ் ஜெகதீசன் சொன்னது…

/இறக்கக் கற்கிறேன்
மரித்த பின்னும்
வழிகாட்டும்
சருகளின்
மொழியிலிருந்து./

Nice lines.

vasan சொன்னது…

//மரணத்தை
முதுகில் சுமந்து
நகரும் நத்தையின்
நிதானத்திலிருந்து.
இறக்கக் கற்கிறேன்//
பிற‌ப்பிலிருந்தே, 'வீடு' சும‌க்கும் நத்தை.
எந்த‌க் க‌விஞ‌னும் இப்ப‌டிச் சொன்ன‌தில்லை இற‌ப்பை.
அழகோவிய‌ம் சுந்த‌ர்ஜி.

Madumitha சொன்னது…

சூழல் கற்றுக் கொடுத்துக் கொண்டேதானிருக்கிறது.
கற்றுக் கொள்பவர்கள்தான் எண்ணிக்கையில் மிக
சொற்பமாக.

Harani சொன்னது…

அருமை சுந்தர்ஜி.

பத்மா சொன்னது…

எழுதக் கற்கிறேன்
வாசித்த பின்னும்
மனதில் எழுதிகொண்டிருக்கும்
இவ்வரிகளிளிருந்து

நிலா மகள் சொன்னது…

நிரப்பக் கற்றிருக்கிறீர்கள் ஜி...
கொள்பவர்கள்
கொள்ளளவுக்குத் தக...!!

paarkkadal sakthi சொன்னது…

கற்பித்தல் சுகம்; ஆனால் கற்றல் மகானுபவம் .
ஒவ்வொரு வரியும் நீட்சி பெற்றவை பாகல் கொடி போலவே ; தன்னுள் குமைந்து, கையாள்பவரின் பாங்குக்கு ஏற்ப

கமலேஷ் சொன்னது…

இந்த கவிதையில் நான் கற்க கற்கிறேன்.

ஹேமா சொன்னது…

இயற்கையும் சூழலும் கற்றுத்தரும் பாடங்கள் போலப் புத்தகப் பாடங்களில் இல்லையே !

சுந்தர்ஜி சொன்னது…

வாசிப்போருக்கு ஏற்ப ஒரு படைப்பு தன்னை உருமாற்றிக்கொள்கிறது.உங்கள் ரசனைக்கு நன்றி சைக்கிள்.

பாராட்டுக்கு நன்றி ரசிகை.

உங்கள் சிலாகிப்புக்கு நன்றி செல்வராஜ் ஜெகதீசன்.

மனம் திறந்த பாராட்டில் பெருமை கொள்கிறேன் வாசன். நன்றி.

சிலராவது இதையெல்லாம் பார்த்துக்கொண்டிருக்கவேண்டித்தான் இருக்கிறது உங்களைப்போல மதுமிதா.

நன்றி ஹரணி.

ஓ!அப்படியா? தன்யனானேன் பத்மா.

மிகவும் சிரமப்பட்டு நிரப்புகிறேன் உங்களுக்கான கலனை நிலாமகள்.

முதல் வருகைக்கும் தரமான எதிர்காலத்துக்கு உத்திரவாதம் அளிக்கும் உங்கள் முதல்த்தரமான ரசனைக்கும் நன்றி பாற்கடல் சக்தி.

கமலேஷ்-உங்களிடம் நானும்.நேற்றைய கதாயுதம் உதாரணம்.

ஏட்டுச் சுரைக்காய் உங்கள் ஊரில் கிடையாதோ ஹேமா சமையலுக்கு?

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator