24.9.10

அர்த்தநாரியின் கனா



ஒரு விருந்துக்காகத்
தயாராகிக் கொண்டிருக்கிறது
சமையலறை.

உப்பின் அளவு குறித்தும்-
காரம் மற்றும் வேகும்தன்மை
குறித்தும்-
அரைத்து விட இருக்கிற
மசாலாவின் கலவை குறித்தும்
சந்தேகங்கள் தீர்க்கப்படுகின்றன.

இலைகள் நறுக்கப்பட்டதும்
தாம்பூலத் தாம்பாளங்கள்
தயாரானதும்

மாக்கோலங்களில்
செம்மண் இடுகையும்
நீர்த்தொட்டி நிரம்பியதும்
உறுதிசெய்யப் படுகின்றன.

தாளிப்பு முடிந்து
ருசி கூட்டலும் குறைத்தலும்
முடிவடைகின்றன.

சாதமும் வடிக்கப்பட்டு
ஜமக்காளங்கள் விரிக்கப்பட்டு
மாவிலைத் தோரணங்களுடன்
வாயில் அலங்கரிக்கப்படுகையில்

அறுந்து விழுகிறது
அர்த்தநாரியின் கனவு.

16 கருத்துகள்:

சைக்கிள் சொன்னது…

வலி.

vasan சொன்னது…

ஒரு ப‌சி அறிந்தும், உறுப‌சி அறியா ஒற்றைய‌ர்க‌ள் ப‌ற்றி!!

நிலா மகள் சொன்னது…

விழித்திருக்கும் நேரமெல்லாம் சமையலறையில் உழன்று கிடக்கும் எம் போன்ற பெண் கனவோ...
கனவாயிருப்பினும் கவிதை நிஜமாய் அருமை ஜி!

பத்மா சொன்னது…

ஐந்தாவது முறையாக வந்து வாசிக்கிறேன் சுந்தர்ஜி ..

அர்த்தநாரி யார் என்ற கேள்வியுடன்.

நிலாமகள் கூறுவதும் ஒரு கோணம் ..

பச்சாதாபத்தோடு நிற்கவே விழைகிறது மனம் ..

சுயரூபம் ஸ்வரூபம்

சுந்தர்ஜி சொன்னது…

வலி பகிர்ந்தமைக்கு நன்றி சைக்கிள்.

தீராது ஒரு பசியும் உறுபசியும் வாசன் இந்த அர்த்தநாரிக்கு.

நான் குறித்தது இருபாலும் இழந்த இருபாலர்களின் கனவு பற்றி நிலாமகள்.

அர்த்தநாரி பாலற்றவன்.அவனின் வேதனைதான் இந்தக் கனவும் கவிதையும்.பச்சாதாபம் கொள்ளும் மனதுக்கு நன்றி பத்மா.

ரிஷபன் சொன்னது…

கவிதைக்கான பாடுபொருள் உங்களுக்கு சிரமமே இல்லை.. நேற்றைய தினம் விண் பிளந்து கொட்டிய மழை போல.. எனக்கான ஆச்சர்யம்.. வார்த்தைகளின் சரம்.. தேர்ந்த தொடுப்பு.

ஹேமா சொன்னது…

தயாரித்தபின்னும் சாப்பிடாமலே கனவு கலைகிறது சிலரது வாழ்வு போல !

நிலா மகள் சொன்னது…

மன்னிக்கவும்... அர்த்தநாரி என்ற சொல்லை அர்த்தப் படுத்திக் கொள்ளாமல் வாசித்து விட்டேன் கவிதையை. உங்க விளக்கத்துடன் மறு வாசிப்பு செய்தவுடன் பஞ்சாமிர்தத்தில் கிடக்கும் கல்கண்டின் செறிவு ஊட்டப்பட்ட சுவையாய் ஜிவ்'வென்று உயர்கிறது கவிதை அழகு.

நிலா மகள் சொன்னது…

நேர்மறையான முகம் நிறைக்கும் புன்னகை ... சிறப்பைக் கூட்டும் சுயருபம்.

Matangi Mawley சொன்னது…

such a sad plight! there s nowhere to go! i cannot even imagine the mental state involved here!

kudos! your pen creates wonders!

Madumitha சொன்னது…

திருமண விருந்து
என்று அர்த்தப் படுத்திக்
கொண்டால்
கனம் அதிகரிக்கிறது.

சுந்தர்ஜி சொன்னது…

நன்றி
-ரிஷபன்.
-ஹேமா.
-நிலாமகள்.
-மாதங்கி.
-மதுமிதா.25 வருடங்களாக என் நினைப்பிற்கு வெகு நெருக்கமாக இருக்கிறது உங்கள் ரசனையும்.ஒரு நிகழவே முடியாத திருமண விருந்தொன்றின் அரவாணியின் கனவுதான் அது.

Vel Kannan சொன்னது…

கவிதை ஏற்படுத்தம் பூடாகமான காட்சியும் விளக்க முடியாத வலியும் நெஞ்சை அடைக்கிறது ஜி.

இரசிகை சொன்னது…

:(

Harani சொன்னது…

சுந்தர்ஜி..
நேற்று இதற்கு கருத்துரை எழுதினேன். பதிவாகவில்லைபோலும். எனவே இன்று. முப்பது வருடங்களுக்கு முன் இருபது ஆண்டுகளாக அடுக்களைக்குள் ஓடிய என் சகோதரி களைத்து நிமிர்ந்த தருணம் அவளின் தாலியறுந்துபோனது.
ஒவ்வொரு விருந்திலும் எனக்கு அது உறுத்துகிறது.
உங்கள் கவிதை மனசை வலிக்கச் செய்கிறது. உங்கள் கவிதைகள் பகுதியில் எல்லாக் கவிதைகளையும் இதுவரை தேர்வுக்கு மனப்பாடம் செய்யும் மாணவனைப் போல படித்துக் கொண்டிருக்கிறேன். இது அத்தனையையும் சுந்தர்ஜி இதழுக்குக் கொண்டுவந்து சேருங்கள். அதற்காக என்னுடைய ஒரு நீண்ட மடல் காத்துக்
கொண்டிருக்கிறது எனது மன தவிப்புகளுடன். இப்போதுதான் நிரம்பவும் திருப்தியாக இருக்கிறேன். மனசு நிறைவாக உணர்கிறேன். உன் மனசிற்கும் அதனைக் கவிதையாக எழுதும் விரல்களுக்கும் என்னுடைய முத்தங்கள் கோடி...

சுந்தர்ஜி சொன்னது…

நன்றி வேல்கண்ணன்.உங்களின் கவிதைகளைப் போல.

வருத்தம் பகிர்ந்தமைக்கு நன்றி ரசிகை.

ஹரணி.உன் மனதைத் திறந்துகொட்டிவிட்டாய்.உன் நட்பும் அதன் மேன்மையும் உன் எழுத்தின் வசீகரமும் நானறிவேன்.உன் போல எழுதுவோரும் சிந்திப்போரும் குறுகிப்போனதை நானறிவேன்.

சுந்தர்ஜி இதழ் 45 பக்கத்தை முடித்துவிட்டு நேரம் கிடைக்காமல் அல்லாடுகிறேன்.வலைப்பூவைப் போலல்ல அதன் உரு.முயற்சிக்கிறேன். எனினும் உன் கடிதம் காண விழைகிறேன் ஹரணி.வீட்டில் அனைவருக்கும் என் அன்பு.

Related Posts Plugin for WordPress, Blogger...

உருப்படி

1980 அ.முத்துலிங்கம். அகம் விரும்புதே புறம் அகலிகை அகஸ்தியர் அங்கிரஸ ரிஷி அசோகமித்திரன்-82 அஞ்சலி அண்ணா அப்பா அபிராமப் பட்டர் அரசியல் அரவிந்தர். அழகியசிங்கர் அளசிங்கர் அற்புதம் அறிமுகம் அறிவிப்பு அறிவிப்பு. அனுபவங்கள் அனுபவங்கள். அஷ்டாவக்ர கீதை அக்ஷீப்யாம் தே ஸூக்தம் ஆத்மாநாம் ஆதிசங்கரர் ஆதிரா ஆன்ட்ரியா ஷுட்லர் ஆன்ம சாட்சாத்காரப் பிரகரணம் ஆன்மிகம் ஆனந்தவிகடன் ஆஸ்தான கோலாகலம் இசை இசைக்கவி ரமணன் இந்தியா இந்துமதம் இமயம் இரா.முருகன் இலங்கை உபநிஷத் உர்தூ உரை உலகநாதன் உலகநீதி எச்சரிக்கை எம்.ஜி.ஆர். எருமேலி எல்லீஸ் ஏசுதாஸ் ஐயாறப்பன் ஓவியக் கவிதைகள் ஓஷோ ஔவை ஃப்ரென்ச் க்ருஸ்து க்ரேஸி மோகன் க.நா.சு கட்டுரைகள் கடவுள் கடவுளைத் தேடி கடிதம் கதிர்பாரதி கதை கபாலீஸ்வரர் கமலாதாஸ் கருந்தேவகத்தி கல்கி கல்லறை கலை கலைஞன் காலம் கலை கலைஞன் காலம்- தொகுதி-2 கவிதைகள் கவிதைகள்-கணையாழி கழிப்பிடம் கற்பகாம்பாள் கஸல் காதம்பரி காமத்துப் பால் காமராஜ் காவ்ய கண்ட கணபதி முனிவர் காளமேகம் குழந்தைகளின் பாடல்கள் குறும்படம் கேதார்நாத் கொஞ்சம் கவிதை கொஞ்சம் தேநீர் கோபாலி சங்க இலக்கியம் சச்சிதானந்தன் சபரிமலை சமணத் துறவிகள் சமாதி சலீல் சௌத்ரி சாந்தானந்த பூரி சாபவிமோசனம் சார்லி சாப்ளின் சித்தர்கள் சித்ரா. சிலாசாசனம். சிவாஜி சிறுகதை சினிமா சீனக் கவிதைகள் சுபாஷிதம் செம்பை. செல்லம்மாள் பாரதி சேக்கிழார் சோட்டாணிக்கரா சோழநாடு சௌந்தரா கைலாசம் ஞானக் கதைகள் டி.எம்.எஸ். டி.வி.எஸ். தஞ்சாவூர் தஞ்சாவூர்க்கவிராயர் தத்தாத்ரேயர் தத்துவம் தத்துவம். தமிழ் தமிழ். தமிழ்க்கணிதம் தக்ஷிணாயனம் தாய்லாந்து தாலாட்டு தாவோ தியாகப் பிரம்மம் தியானம் திருச்சுழி திருவல்லிக்கேணி திருவையாறு தீபாவளி துகாராம் துறவியின் பாடல் தேர்தல் தேரையர் தேவி காலோத்தரம் தொன்மம் நகரம் நானூறு நல்வழி நவீன விருட்சம் நன்றி நாட்குறிப்பு நாடோடிக் கதைகள் நாடோடிப் பாடல்கள் நாய்கள் நாலடியார் நாவல் நாவல். நாஸதீய ஸூக்தம் நித்ய கர்ம விதி நிர்வாண ஷட்கம் நீதி சாஸ்த்ரம் நீதிவெண்பா நீந்தும் நதியைப் போல நேர்காணல் ப்ரகாஷ் ப்ரளயம். ப்ரார்த்தனை பஞ்சநதீஸ்வரர் கோயில் பட்டினத்தார் பண்டிட் ரவிஷங்கர் பதார்த்த குண சிந்தாமணி பதினெண்கீழ்க்கணக்கு பயணம் பரிசுத்த வேதாகமம் பல நேரங்களில் பல மனிதர்கள் பவானி அஷ்டகம் பன்.இறை பஜகோவிந்தம் பாண்டிச்சேரி பாரதி பாரதிதாசன் பாரதிமணி பாரதியார் பாவ்லோ கோயெலோ பிக்ஷு ஸுக்தம் புத்தக வெளியீடு புத்தகங்கள் புதிய ஏற்பாடு புராதனம் புறநானூறு பை ஜூயி பொக்கிஷம் பொது சுகாதாரம் பொருட்பால் பொருளாதாரம் போதனை போர்ச்சுக்கீஸ் மக்கள் சேவை மகாபாரதக் கதைகள் மத்தேயு மந்திர புஷ்பம் மயிலாப்பூர் மரணம் மருத்துவம் மலையாளம் மறுமலர்ச்சி மன்னிப்பு மனிதர்கள் மனு நீதிச் சோழன் மனுமுறை கண்ட வாசகம் மஹாபாரதம் மஹாபாரதம் -கும்பகோணம் பதிப்பு. மாதவ் ராமதாஸன் மாருதி ராவ் மிருகம் முல்லா மெய்யறம் மேல் விலாஸம் மொழிபெயர்ப்பு யஜுர் வேதம் யாக்ஞவல்க்யர். யாத்திரை யோக வசிஷ்டம் யோகி வேமனா ரசனை ரமண மகரிஷி ரமேஷ்கல்யாண் ரயில் ராபெர்ட் என்ரிகோ ராமக்ருஷ்ணாமடம் ராமதேவர் ராமாயணம் ரிக் வேதம் ரிக்வேதம் ரிஷிகபூர் ரிஷிகேஷ் ருசி ருசி- இசை ரெங்கப்பிள்ளை லா வோ த்ஸூ வ.உ.சி. வடலூர் வண்ணக்கதிர் வண்ணதாசன் வண்ணநிலவன் வரலாறு வல்வில் ஓரி வள்ளலார் வஜ்ரசூசிகா உபநிஷத் வாசிப்பு வானொலி விக்னேஷ்வரன் விஜயன் விபுலானந்த அடிகள் விருது விவேக சிந்தாமணி விவேகபோதினி விவேகானந்தர் விழா விழிப்பு விளம்பரம் வெ.சாமிநாதசர்மா வெண்பா வேதங்கள் வேதங்கள். ஜனகன் ஜான் ஓலஃப்ஸன் ஜேக்கப் ஜோக்ஸ் ஷரஃபோஜி மன்னர் ஸ்டெல்லா ப்ரூஸ் ஸ்ரீ அரவிந்தர் ஸ்ரீருத்ரம் ஸாம வேதம் ஸூக்தம் ஹர்த்வார் ஹரிகிருஷ்ணன் ஹாஸ்யம் ஹிந்து ஹோஜே ஷாத்தே An Occurence at Owl Creek Bridge Colombia Gabriel Garcia Marquez Like a Flowing River Magical Realism Paulo Coelho The Great Dictator