இருப்பதை இருப்பதாய் நினைக்கச் செய்கிறது
சோளக்கொல்லை பொம்மையின் மாறுவேடம்.
இல்லாததை இருப்பதாய்க் காட்டுகிறது
வைக்கோல் கன்றின் உயிர் கரைக்கும் பந்தம்.
இருப்பதை இல்லாததாக அழிக்கிறது
திருஷ்டிப்பூசணியின் மீதான பெரும் நம்பிக்கை.
இல்லாததை இல்லாததாகவே எடைபோடுகிறது
நிலைக்கண்ணாடியின் முரட்டு நேர்மை.
10 கருத்துகள்:
உங்க நேர்மை ரொம்ப பிடிச்சிருக்கு.
உயிர் கரைக்கும் வார்த்தைகளின் சாகசம் கனிந்த பலாச்சுவையாய் மனமெங்கும் வியாபிக்க கவிதைகளின் லயிப்பின் சிலிர்ப்புடன் ...
நிலா மகள், நெய்வேலி.
நன்றி
-மதுமிதா.
முதல் வருகைக்கு நன்றி நிலாமகள். நல்லா இருக்கீங்களா?
இல்லாததும் இருப்பதும் என்னை வெகுவாகக் கவர்ந்தது அண்ணா.
-கே.அண்ணாமலை.
இல்லாதது இருப்பது எல்லாமே அழகு.
-மீனாதேவி.
அந்த முரட்டு நேர்மை தான் மிரட்டுது இல்ல சுந்தர்ஜி?
atleast என்னை மட்டுமாவது :))
பொய்யென்று தெரிந்த பிறகும் நம்பிக்கைகள்தானே
வாழவைக்கிறது சுந்தர்ஜி.
சபாஷ் சபாஷ் எனக் கூக்குரலிடத் தோன்றுகிறது இக்கவிதை படித்து. சோளக்கொல்லை பொம்மை-திருஷ்ட்டிப்பூசணி-வைக்கோல் கன்று-உணர்ந்து ரசிக்கவைத்த ரசனைத்ததும்பல்.குப்பென்ற கள்ளப்புன்னகையை எழுப்பியது இல்லாததை இல்லாததாகவே எடை போடுகிற நிலைக்கண்ணாடியின் முரட்டு நேர்மை. பகல்வேஷம் போட்டிருக்கும் அந்த நளினம்தான் பேரழகு.அறுத்துப் பிளந்த மாதுளை முத்துக்களின் அழகாய் உங்கள் வரிகளின் வார்த்தைகள்.
-உஷாராணி.
நன்றி
-அண்ணாமலை.
-மீனாதேவி.
-எல்லாரையும்தான் பத்மா.
-சரியாய்ச் சொன்னீர்கள் ஹேமா.
-உஷா.கலக்கறீங்க விமர்சனத்துல.
வீட்டுக் கூரைகளையும் கழுவிவிடும் சிறுமழைபோல் அன்றாடங்களின் சலிப்பைக் கரைக்கும் தங்கள் கவிதைகளுடன் வெகு சௌக்கியம்!
கருத்துரையிடுக